Alternative content

05:54 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Akademik İsa Həbibbəyli Özbəkistanın “Kitab dünyası” qəzetinə müsahibə verib
Akademik İsa Həbibbəyli Özbəkistanın “Kitab dünyası” qəzetinə müsahibə verib
ANA SƏHİFƏ / Elm və texnika
07:01 09.01.2018

Azərbaycan Milli Elmlər Akademiyasının (AMEA) vitse-prezidenti, Nizami Gəncəvi adına Ədəbiyyat İnstitutunun direktoru, akademik İsa Həbibbəyli Özbəkistanın “Kitab dünyası” qəzetinə müsahibə verib. Bu barədə AZƏRTAC-a Ədəbiyyat İnstitutundan məlumat verilib.

Azərbaycan-Özbəkistan ədəbi əlaqələrinin inkişaf tarixindən, ortaq kökə əsaslanan hər iki xalqın qədim və zəngin ədəbiyyat ənənələrindən bəhs edən akademik İsa Həbibbəyli müsahibəsində bildirib: “Azərbaycan-özbək ədəbi əlaqələrinin qədim tarixi və zəngin ənənələri vardır. Azərbaycan və özbək əlaqələri yalnız ədəbiyyatla bağlı deyildir. Xalqlarımızı ortaq köklər və böyük tarixi ənənələr bağlayır. Ədəbi əlaqələr xalqlararası münasibətlərin hərəkətverici qüvvəsidir”.

Müsahibədə son dövrlər Azərbaycanda və Özbəkistanda qarşılıqlı ədəbi əlaqələrin inkişafı istiqamətində görülən işlərdən ətraflı bəhs edilib. Bu istiqamətdə Özbəkistanda Heydər Əliyev adına Azərbaycan Mədəniyyət Mərkəzinin fəaliyyətini yüksək qiymətləndirən İsa Həbibbəyli mərkəz tərəfindən Azərbaycan ədəbiyyatı nümunələrinin nəşr edilməsi, görkəmli Azərbaycan yazıçısı Cəlil Məmmədquluzadənin əsərlərinin özbək dilində çapa hazırlaması layihələrinin əhəmiyyətini vurğulayıb.

Müsahibədə Azərbaycan-özbək ədəbi əlaqələrinin inkişafı istiqamətində Nizami Gəncəvi adına Ədəbiyyat İnstitutunda görülən işlər barədə danışılıb. İnstitutda 2016-cı ildə Azərbaycan-Türkmənistan-Özbəkistan ədəbi əlaqələri şöbəsinin qarşılıqlı əməkdaşlıq üzrə əhəmiyyətli tədqiqatlar aparmaq üçün yaradıldığı diqqətə çatdırılıb. Eyni zamanda, Nizami Gəncəvi adına Ədəbiyyat İnstitutunda özbək “altmışıncıları”nın görkəmli nümayəndəsi, Xalq Şairi Camal Kamalla keçirilən görüşdən, Əlişir Nəvai adına Daşkənd Dövlət Özbək Dili və Ədəbiyyatı Universiteti ilə imzalanmış əməkdaşlıq memorandumunun perspektivlərindən söhbət açılıb.

Akademik müsahibəsində Azərbaycan-Özbəkistan ədəbi-elmi və mədəni əlaqələrinin tükənməz mövzu olduğunu, hər iki ölkə üçün böyük əhəmiyyət daşıyan bu əlaqələri dərindən və sistemli şəkildə tədqiq etməyin əhəmiyyətindən danışıb.