Alternative content

13:24 23 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Gələcəyin təməli məktəbdə qoyulur
Gələcəyin təməli məktəbdə qoyulur
ANA SƏHİFƏ / Oxucu məktubları
12:01 07.01.2018

 

Bəlkə də onlar həyatlarının ən xoşbəxt, qayğısız dövrünü  yaşadıqlarının fərqində deyillər. Lakin illər sonra bu günləri - məktəb zamanını sevə-sevə xatırlayacaq, xiffətini çəkəcəklər. İndi isə dəftər-kitaba sarılmaqla qarşıdakı uzun, kəşməkəşli həyat yolunun hazırlığını görürlər…

Amalya Orucovanın sinif rəhbəri olduğu 11a-da təhsil alan 16 nəfər şagirdin hər birinin arzusu tələbə olmaqdır. Bu şagirdlər təhsildə fərqlənmələri ilə yanaşı, mədəni-kütləvi, idman tədbirlərində də fəal iştirak edir, uğurlu nəticələr göstərirlər. 

Ziya Abdullayev “Qardaş regionların vətənpərvər şagirdlərinin dünya azərbaycanlılarına töhfəsi” layihəsinin sertifikatını alıb. Nadir Ağabəyov “Erudit” intellekt festivalında I yer tutub, həmçinin “Uşaq hüquqları üzrə pilləli tədris” kursunun sertifikatına layiq görülüb. Leyla Orucova da bu kursun sertifikatını qazanıb. O, “Şimal regionu gənclərinin intellektual birinciliyi”ndə I yerə çıxıb.  Teymur Hüseynov “Cəsurlar”ların respublika birinciliyinin fərqlənmə diplomunu alıb. Teymur müxtəlif cüdo yarışlarında göstərdiyi nəticələrə görə də dəfələrlə medal və hədiyyələrlə mükafatlandırılıb.  Firuzə Ağayeva “Ana dilimizi sevək və sevdirək” devizi ilə Azərbaycan dili fənni üzrə keçirilən rayon olimpiadasında I yerə çıxıb.

Əminik ki, bu sinfin şagirdləri gələcəkdə ölkəmizə daha çox töhfə verəcək, Azərbaycanın çiçəklənməsi üçün əllərindən gələni əsirgəməyəcəklər. Uşaqlar gələcəyimizdir - deyirik. Gələcəyin isə təməli məktəbdə qoyulur. Deməli, təhsilə, məktəbə qayğı hər bir kəsin müqəddəs borcu, vəzifəsidir.

 

Dilara ŞAXVERDİYEVA,

Qusar rayon sakini