Alternative content

17:15 23 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Evlər bəzəyi xalçalar
Evlər bəzəyi xalçalar
ANA SƏHİFƏ / Oxucu məktubları
12:01 07.01.2018

 

Dövlət başçısı İlham Əliyevin tapşırığına əsasən respublikamızın bütün bölgələrində insanların işlə təminatında böyük uğurlar qazanılır. Yaşadığım Ağstafa rayonunda da son illər bir sıra sənaye müəssisələri açılıb. Nəticədə əhalinin məşğulluğu yüksəlib, işsizliyin səviyyəsi   aşağı düşüb.

Yaxın zamanda rayonumuzda daha bir müəssisənin - “Azərxalça” ASC-nin Ağstafa filialının açılışı gözlənilir. Ümumi sahəsi bir hektardan çox olan fabrikin inşasında son tamamlama işləri aparılır. Burada normal iş prosesi üçün hər cür şərait yaradılıb və  ən müasir toxuculuq avadanlıqları quraşdırılıb. Fabrikin özünün  xalça satışı mağazası da olacaq. Müəssisənin həyətində geniş abadlıq və quruculuq işləri görülüb.

Onu da deyim ki, müəssisənin bünövrəsi qoyulanda burada işləyəcək toxucuların qəbuluna da başlanılmışdı. 60 nəfərə yaxın rayon sakini işə qəbul edilərək toxuculuq kurslarına cəlb edilmişdi. Mən də onlardan biriyəm. Artıq xalça toxuculuğunun bir çox sirlərini mənimsəmişik. Mən hazırda filialın toxuculuq sexində xalça toxumaqla sınaq müddəti keçirəm. İlmələri vurduqca sevinirəm ki, əlimdən çıxan xalçalar uzun illər evləri bəzəyəcək. Bu, məni həm qürurlandırır, həm də məsuliyyət hissimi artırır.

 

Raya EYYUBOVA,

Ağstafa rayonu,

Qaçaq Kərəm kənd sakini