Ötən il 71 məktəb tikilib, 500-ə yaxın təhsil ocağı təmir olunub
Müstəqilliyin bərpasından sonra respublikanın digər sahələrində olduğu kimi, təhsildə də bir sıra problemlərin həlli vacib məsələlərdən birinə çevrildi.
Məhz dövlət səviyyəsində təhsilin inkişafına göstərilən diqqət və qayğının nəticəsidir ki, son illər müasir məktəb binaları tikilir, istismar müddəti başa çatanlar əsaslı təmir edilir, mövcud elm müəssisələri üçün yeni korpuslar inşa olunur. Diqqətçəkən məqamlardan biri ondan ibarətdir ki, bu işlər təkcə paytaxtı deyil, bölgələri də əhatə edir. Məktəblərin maddi-texniki bazasının gücləndirilməsi istiqamətində nəzərdə tutulan mühüm layihələrə Heydər Əliyev Fondu tərəfindən göstərilən dəstək də, təbii ki, təhsilin əsaslı təməl üzərində qurulmasına hesablanan siyasətin prioritetlərindəndir.
Prezident İlham Əliyevin ölkədə təhsilin inkişafına göstərdiyi diqqət və qayğı, bu sahəni dövlət siyasətinin mühüm prioritetləri sırasına daxil etməsi təsadüfi deyil. Son illər bu istiqamətdə görülən tədbirlər tədris prosesinin günün tələbləri səviyyəsində qurulmasına imkan verən müasir məktəb binalarının inşası prosesini daha da sürətləndirib. Azərbaycan Respublikasının Birinci vitse-prezidenti Mehriban xanım Əliyevanın isə son 13 ildə gördüyü işlər bütün dünyada maarifçilik xəttinin mükəmməl örnəyini yaradıb. Bu məsuliyyətli missiya ulu öndər Heydər Əliyevin müəyyənləşdirdiyi, Azərbaycan Prezidenti İlham Əliyevin uğurla həyata keçirdiyi strateji kursun reallaşdırılmasına, həmin humanitar siyasətin hər bir vətəndaşın həyatında hiss olunmasına dəstək verməyə yönəlib.
Ölkənin Birinci vitse-prezidenti, Heydər Əliyev Fondunun prezidenti Mehriban xanım Əliyeva bütün çıxışlarında xüsusi olaraq qeyd edir ki, iqtisadi tərəqqi, demokratikləşmə və insan hüquqlarının etibarlı təminatı baxımından özünün yüksək inkişaf mərhələsinə çatmış ölkələrin nailiyyətləri məhz elmə, təhsilə diqqət və qayğı sayəsində əldə edilib. Təbii ki, bu sahələr cəmiyyətin olduqca həssas qütbləridir. Həmin qütblərin mərkəzində milli genofondun inkişafı, elm, təhsil məsələləri, xalqımızın minilliklərdən keçib gələn mədəni-estetik dəyərlər sistemi dayanır.
Bütün mənbələr hesabına ötən il 71 məktəb inşa edilib ki, onlardan 61-i modul tiplidir. İlin sonunadək 44 rayon əhatə olunmaqla daha 100 azkomplektli və qəzalı vəziyyətdəki kənd məktəbi də modul tipli təhsil müəssisəsi ilə əvəz edilib. İl ərzində 500-ə yaxın məktəb əsaslı və cari təmirdən çıxıb. Bura bir peşə, uşaq-gənclər, tədris-idman mərkəzinin, 3 ali təhsil müəssisəsinin yeni korpusunun tikilməsini, bəzilərinin isə əsaslı təmir olunmaqla istifadəyə verilməsini də əlavə etməliyik.
2017-2018-ci tədris ilinin ilk dərs məşğələsinin “Cocuq Mərcanlı - tarixi qayıdışın başlanğıcı” mövzusuna həsr olunması da təsadüfi deyildi. Əlbəttə, məqsəd uşaq və gənclərə Azərbaycan Ordusunun 2016-cı ilin aprel döyüşlərində göstərdiyi qəhrəmanlıqlar və işğaldan azad olunmuş torpaqlarımıza qayıdışın rəmzinə çevrilən Cocuq Mərcanlı kəndi haqqında daha dolğun məlumatlar verilməsi idi.
Bu il əsaslı təmirdən çıxan məktəblər paytaxt Bakıda da az deyil. Şəhərin bəzi ərazilərində fəaliyyət göstərən məktəblərdə əsaslı təmir işləri vaxtında və keyfiyyətlə aparılıb. Bakının Nizami rayonundakı 10, 62 və 201, Xətaidəki 171, Nərimanovdakı 212, Binəqədidəki 306, Sabunçudakı 74, Səbaildəki 239, Yasamaldakı 20 və Nəsimidəki 268 nömrəli məktəblərdə əsaslı təmir işləri vaxtında başa çatdırıldığı üçün qapılarını sevimli kollektivlərinin üzünə yeni qiyafədə açdılar. Məktəblər müasir tələblərə cavab verən, yüksək təhsil xidməti göstərə bilən səviyyədə şagirdlərin və müəllimlərin ixtiyarına verildi. Yeni tikilən, yaxud əsaslı təmir olunan, müasir təlim avadanlıqları ilə təchiz edilən təhsil ocaqlarının həyətində geniş abadlıq və quruculuq işlərinin görülməsi isə məktəblilərin təlim və tədrisə maraqlarının gücləndirilməsinə xidmət edir. Bir sözlə, təmirə ehtiyacı olan əksər təhsil müəssisələri tanınmaz dərəcədə dəyişilib: onlar bu il öz doğmalarını yeni görkəmdə qarşılayıb. Sevindirici haldır ki, respublikamızın əksər bölgələrində belə təhsil ocaqlarının sayı ildən-ilə artmaqdadır.
Məhəmməd NƏRİMANOĞLU,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Fövqəladə Hallar Nazirliyi tərəfindən daha bir qanunsuz tikili sökülüb
28 Mart
Davamlı öskürəyin ev şəraitində müalicəsi xəstəliyin ağırlaşmasına səbəb ola bilər ...
28 Mart
Hərbi institutun kursantları ilə praktiki məşğələlər keçirilib
28 Mart
DİM: Dövlət qulluğu üzrə imtahandan müvəffəqiyyətlə keçənlərin sertifikatlarının verilməsinə başlan...
28 Mart
BMT: Dünyada ərzaqların 17 faizi tullantıya çevrilir
28 Mart
BMT: 783 milyon insanın aclıqdan əziyyət çəkdiyi bir şəraitdə qida tullantılarının həcmi 20 faizə ça...
28 Mart
Elektromobillərin dünya qiymətləri ucuzlaşa bilər
28 Mart
Bayram günlərində Qəbələ Dövlət Tarix-Bədii Qoruğunu ziyarət edənlərin sayı artıb
28 Mart
Yaşar Güler: Terror mövzusu Türkiyə gündəmindən tamamilə silinəcək
28 Mart
Mərkəzi Bank uçot dərəcəsini endirib
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!