Alternative content

01:30 20 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Balıq uşağın qida rasionunun təməli olmalıdır
Balıq uşağın qida rasionunun təməli olmalıdır
ANA SƏHİFƏ / Səhiyyə
05:12 23.12.2017

Pensilvaniya Universitetinin professoru Adrian Reyn uşaqların qida rasionuna balığın daxil edilməsini təkidlə tövsiyə edir. Onun tədqiqatları göstərib ki, ən az həftədə bir dəfə balıq yeyən uşaqlar daha yüksək intellekt koeffisientinə malik olur. Bu göstərici onlarda balıq yeməyən uşaqlardan 4,8 bal yüksəkdir. Həmçinin qida rasionunda balıq olan uşaqların yuxusu daha möhkəm olur. Onlar nadir hallarda gecələr oyanır və gün ərzində daha az yorulur. Bu uşaqları yatırmaq da asandır.

AZƏRTAC MedDaily saytına istinadla xəbər verir ki, əvvəllər aparılmış tədqiqatlar göstərib ki, balıq boy artımı və əsəb hüceyrələrinin inkişafı baxımından Omeqa-3 yağ turşularının qiymətli mənbəyidir. Bundan başqa, bu yağlar koqnitiv göstəricilərə də müsbət təsir göstərir və yuxunu nizamlayan melatoninin yaranmasında iştirak edir.

Bildirilir ki, son tədqiqatlar çərçivəsində 12 yaşadək 541 uşaq bu kontekstdə təhlil edilib.

Bununla yanaşı, 9-11 yaşlar arasında uşaqlarda da balıq istehlakının nəticələri araşdırılıb. Əsasən, yuxunun keyfiyyəti, riyazi testlər, söz ehtiyatı və informasiyanın qavranılması vasitəsilə intellekt koeffisienti müəyyən edilib. Yekun birmənalı olub: tez-tez balıq yemək intellekt koeffisientinin artması və yuxu problemlərinin azalması ilə müşayiət olunub.

Beləliklə, əgər həftədə ən az bir dəfə balıq yemək intellekt koeffisientinə 4,8 bal gətirirsə, ayda 2-3 dəfə balıq yemək bu göstəriciyə 3,31 bal əlavə edir. Mütəxəssislər məsləhət görür ki, balığı uşaqların qida rasionuna daha erkən əlavə edəsiniz. Əgər balıq sümüksüzsə, onu 10 aylıq uşağa da vermək olar. İki yaşında uşağın qida rasionunda isə balıq mütləq daimi olmalıdır.