20 Dekabr 2017 08:12
267
Təhsil
A- A+

Rektor: Tələbələrin qarşısında duran əsas vəzifələrin universitet rəhbərliyi ilə birgə müzakirəsi vacibdir

Tələbələrin qarşısında duran əsas vəzifələrin universitet rəhbərliyi ilə birgə müzakirəsi vacibdir.

AZƏRTAC xəbər verir ki, bunu dekabrın 20-də Bakı Slavyan Universitetinin (BSU) rektoru, professor Nurlana Əliyeva bu ali təhsil ocağının üçüncü kurs tələbələri ilə görüşündə deyib.

Nurlana Əliyeva belə görüşlərin yeni cəmiyyət quruculuğu, güclü dövlət modeli, yüksək təhsil sistemi və s. kimi vacib məsələlərin təhlil edilməsi, gənclərlə səmimi dialoqun aparılması baxımından əhəmiyyətini vurğulayıb. Təcrübəli nəsillə gənc nəslin dialoqunun zəruriliyini vurğulayan rektor diqqətə çatdırıb ki, müəyyən qrup gənclər dünya həqiqətlərini, həyat reallıqlarını dərk etmirlər. Onlar vaxtaşırı kənar təsir altına düşür, vətəndaşlıq borcunu, milli duyğularını itirirlər. Azərbaycan dövlətinin gənclər siyasətinin insan kapitalı yaradılmasına hesablandığını deyən Nurlana Əliyeva müxtəlif sahələrdə əldə edilən çoxsaylı uğurları bu istiqamətdə aparılan işin nəticəsi kimi dəyərləndirib. O deyib ki, gənclərimizin dünyada cərəyan edən mütərəqqi prosesləri dərk edib ona uyğun fəaliyyət göstərmələri strateji əhəmiyyət daşıyır.

Rektor xatırladıb ki, gəncliyimiz həm də öz vətənpərvərlik duyğuları ilə fərqlənir. Buna ötən il Aprel döyüşlərində Azərbaycan əsgərlərinin və zabitlərinin göstərdiyi qəhrəmanlığı və igidliyi nümunədir. Gənclərə müraciət edən Nurlana Əliyeva ulu öndər Heydər Əliyevin azərbaycançılıq ideologiyası ilə irəli getməyin vacibliyini vurğulayıb. Ümummilli lider Heydər Əliyevin gəncləri ölkənin həyatında, dövlət quruculuğunda, vətəndaş cəmiyyətinin formalaşmasında daim fəal iştiraka çağırdığını xatırladan rektor bildirib ki, Azərbaycan gəncliyi də Ulu Öndərin çağırışına dərhal səs verməyə hazır olduğunu fəaliyyəti ilə təsdiq edib. Bu müddətdə gənc nəslin mənəvi və fiziki sağlamlığı möhkəmlənib, onların yaradıcılıq və təşəbbüskarlığı artıb.

Sonda rektor qarşıdan gələn Dünya Azərbaycanlılarının Həmrəyliyi Günü və Yeni il münasibətilə tələbələri təbrik edib, onlara qış imtahan sessiyasında uğurlar arzulayıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video