19 Dekabr 2017 11:12
271
Səhiyyə
A- A+

Sankt-Peterburqda həkim dördüncü dərəcəli xərçəng diaqnozu qoyulan qızın həyatını xilas edib

Rusiyanın Səhiyyə Nazirliyinin N.N.Petrov adına Elmi-Tədqiqat Onkologiya İnstitutunun torakal cərrahiyyə şöbəsinin müdiri Yevgeni Levçenko çox çətin bir əməliyyat aparıb.

AZƏRTAC Rusiyanın Starhit saytına istinadən xəbər verir ki, bir neçə il əvvəl həkimlər 13 yaşlı İrinanı müayinə zamanı ona qorxunc sarkoma diaqnozu qoyublar. Bir sıra mütəxəssislər onun bir ildən çox yaşamayacağını söyləyirdilər. Qız bir neçə dəfə kimyəvi müalicə kursu keçsə də, həmin prosedurların heç bir xeyri olmayıb. Cərrahlar onun sağ ayağını amputasiya ediblər. Həmin vaxt onun ağciyərlərində 70 metastaz aşkar olunub. Valideynlər Sankt-Peterburqdakı Onkologiya İnstitutuna müraciət edəndən sonra onkoloq Yevgeni Levçenko unikal əməliyyatı keçirib. Cərrah özünün işləyib hazırladığı və patent aldığı təcrid edilmiş kimyaperfuzi üsulundan istifadə edib. Əməliyyatın gedişində o, ümumi qan dövranını ağciyərdən ayırıb və metastazların hamısını götürmək imkanı yaranıb.

"Əvvəlcə biz sağ ağciyərdə əməliyyatı keçirdik və oradan 42 metastazı təmizlədik, lakin bununla kifayətlənmək olmazdı. Ona görə də biz kimyaterapiyadan yüz dəfələrlə güclü olan kimyəvi preparatların böyük dozasını tətbiq etdik. Məhz bunun nəticəsində əməliyyat zamanı görünməyən metastazları götürə bildik", - deyə mütəxəssis söyləyib.

Əməliyyatdan bir neçə ay sonra həkim digər ağciyərdə olan 28 ədəd metastazı da götürməyə qərar verib. Aparılan əməliyyatdan sonra xəstədə tam yüngülləşmə yaranıb.

İrina Pskov vilayətindən vaxtaşırı Sankt-Peterburqa həkim müayinəsinə gedir. Tibbi yoxlamalar İrinanın əvvəlki xəstəliyindən heç bir əlamət qalmadığını göstərib.

"Xəstəni ölümün pəncəsindən xilas etmək çox xoşdur. Əvvəllər onkologiyanı seçmək istəmirdim və mənə elə gəlirdi ki, xərçəng xəstələrinə kömək etmək mümkünsüz işdir. İndi artıq belə deyil, elm xeyli irəli gedib. Xəstələrimiz Avropa və ya ABŞ-dakından heç də pis müalicə olunmurlar", -deyə həkim söyləyib.

Bir neçə il əvvəl Peterburq Elmi-Tədqiqat İnstitutunda Levçenko dünyada ilk dəfə olaraq pasiyentin gövdə hüceyrələrindən yetişdirilmış traxeyanın autotransplantasiyasını aparıb. Yeri gəlmişkən qeyd edək ki, onun ailəsində hamı tibb işçisidir. İyirmi il iş stajı olan həyat yoldaşı kimyaterapevtdir, böyük oğlu Nikita torakal cərrahiyyə kursu keçib, kiçik oğlu Valeri Stavropolda onkoloji dispanserdə işləyir.

"Hiss edirəm ki, hədər yaşamıram. Özümü ona görə xoşbəxt sayıram ki, insanları xəstəlikdən, ağrı-acı və əzablardan uzaqlaşdıraraq yaşamasına nail oluram", - deyə Levçenko bildirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video