Alternative content

12:49 21 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Avropa Parlamentinin üzvü: Azərbaycan Avropa İttifaqı üçün çox vacib tərəfdaşdır
Avropa Parlamentinin üzvü: Azərbaycan Avropa İttifaqı üçün çox vacib tərəfdaşdır
ANA SƏHİFƏ / PARLAMENT
06:12 18.12.2017

Azərbaycanda səfərdə olan Avropa Mühafizəkarlar və İslahatçılar Alyansının prezidenti, Avropa Parlamentinin üzvü Yan Zahradil dekabrın 18-də Milli Məclisdə brifinq keçirib.

AZƏRTAC xəbər verir ki, Milli Məclisin mətbuat katibi Akif Təvəkküloğlu brifinqi açaraq Yan Zahradilin iki gündür ölkəmizdə səfərdə olduğunu və bir sıra mühüm görüşlər keçirdiyini söyləyib. O deyib ki, belə səfərlər həm ictimaiyyətin, həm də mətbuatın diqqət mərkəzindədir.

Yan Zahradil bildirib ki, Azərbaycana səfərini üç missiya ilə həyata keçirir. Birinci missiya Avropa Mühafizəkarlar və İslahatçılar Alyansının prezidenti kimi. Bu alyans Avropanın üçüncü böyük siyasi ailəsidir. Bu Alyans nadir hesab edilə bilər ki, o, Azərbaycanda həm iqtidar, həm də müxalifət partiyaları ilə əməkdaşlıq edir. “Deputat Qüdrət Həsənquliyevin rəhbərlik etdiyi Bütöv Azərbaycan Xalq Cəbhəsi Partiyası bizim alyansın tamhüquqlu üzvüdür. Eyni zamanda, hakim Yeni Azərbaycan Partiyası bizim alyansın AŞPA-dakı qrupunun üzvüdür. Bizim buraya gəlməyimizdə digər səbəb də ondan ibarətdir ki, biz Azərbaycanla yaxın illərdə tədbirlərin keçirilməsi ilə bağlı müzakirələr aparaq. Bu, mənim birinci funksiyamla bağlıdır.

İkinci missiyam isə onunla bağlıdır ki, mən həm də Avropa Parlamentinin üzvüyəm. Bildiyiniz kimi, Avropa Parlamenti bu yaxınlarda Azərbaycanla münasibətlərini yenidən canlandırdı. Özünün bu məqsədlə nümayəndə heyətini formalaşdırdı. Bu nümayəndə heyətinin üzvləri ayrı-ayrılıqda, fərdi qaydada da Azərbaycanla münasibətlərin genişləndirilməsi üçün cəhdlər göstərirlər.

Üçüncü missiyam isə təmsil etdiyim ölkə ilə bağlıdır. Mən Mərkəzi Avropada yerləşən Çex Respublikasının Avropa Parlamentində təmsilçisiyəm. Onu da qeyd edim ki, Çexiya özü də Azərbaycanla ikitərəfli strateji əməkdaşlıq haqqında müqavilə imzalayıb. Mən Azərbaycanı dəyərli dövlət sayan bir şəxs kimi, bu ölkənin dostu kimi səfər etmişəm. Çünki Azərbaycan bütövlükdə həm Avropa İttifaqı, Avropa Parlamenti, mənim partiyam üçün, həm də Çexiya üçün çox vacib bir tərəfdaşdır”, - deyə Yan Zahradil qeyd edib.

Sonra Avropa Mühafizəkarlar və İslahatçılar Alyansının prezidenti jurnalistləri maraqlandıran suallara cavab verib.