Alternative content

11:48 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Nadir patologiya - mavi dəri sindromu
Nadir patologiya - mavi dəri sindromu
ANA SƏHİFƏ / Səhiyyə
09:12 15.12.2017

Mavi dəri sindromu-dəri rənginin dəyişilməsi ilə müşahidə olunan, olduqca nadir rast gəlinən patologiyadır. Bu sindromdan əziyyət çəkənlərin dəriləri göy və ya bənövşəyi rəngdə olur.

AZƏRTAC xəbər verir ki, əsasən irsi xarakter daşıyan bu xəstəlik bəzən fizioloji pozuntular nəticəsində də meydana çıxa bilər.

Sindromun yeganə özünü büruzə vermə şəkli dərinin qeyri-adi rəng almasıdır. Dəridə yaranan problemdən əlavə sindromdan əziyyət çəkənlərdə sağlamlıqla əlaqəli heç bir pozuntu müşahidə edilmir. Bunu çoxillik statistika əsasında demək mümkündür.

Genetik xüsusiyyətindən başqa sindromun yaranma səbəbləri müxtəlif ola bilər: uzunmüddətli dərman və ya narkotik qəbulu, piylənmə, bədxassəli törəmələr, ikinci dərəcəli şəkərli diabet.

Sindromun anadangəlmə formasında yenidoğulmuşda ola biləcək yanaşı patologiyaların müəyyənləşdirilməsi üçün müayinə edilməsi mütləqdir.

Problemin müalicəsində yeganə hədəf metabolizm pozuntularının normallaşdırılmasıdır. Problemin həlli üçün həkimlər əsasən həyat tərzinin dəyişdirilməsi istiqamətində bir sıra məsləhətlər verirlər: fiziki aktivliyin artırılması, bədən çəkisinin azaldılması, kalorili qidaların məhdudlaşdırılması.

Səhiyyədə sindromun spesifik genetik pozuntular səbəbindən deyil, ətraf mühitin mənfi təsiri nəticəsində meydana çıxan hemoqlobin transformasiyası səbəbindən yaranması faktı da mövcuddur. Bundan əlavə bədənin boyun və qolaltı hissələrində əmələ gələn piqment ləkələrinin orqanizmin insulin dayanaqlığı səbəbindən də ola biləcəyi məlumdur.

Uşaqlarda bu sindrom əsasən steatohepatit səbəbindən meydana çıxır. Bir çox hallarda müayinələr zamanı ciyərdə böyümə görülür ki, bu da piy yığını səbəbindən baş verir. Belə olduqda ciyərin ölçüləri böyüyür və səthi yumşalır.

Son zamanlar aparılan tədqiqatlarda müxtəlif yaş qrupuna aid kişilərdə bu sindromun ümumi və sərbəst testesteronun səviyyəsinin aşağı düşməsi ilə əlaqəli olduğu aşkarlanıb. Bunun nəticəsində cinsiyyət steroidlərini birləşdirən qlobulin səviyyəsinin yüksəlməsi müşahidə edilib.

Orta yaşlı kişiləri müayinə edən alimlər onu da bildiriblər ki, ümumi və sərbəst testesteronun səviyyəsinin aşağı olması yarana biləcək metabolik sindromun və ya şəkərli diabetin ilkin əlaməti də ola bilər.