Alternative content

22:28 18 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Ceyhun Bayramov: İqtisadiyyatımızın tələblərini ödəmək üçün yüksəkixtisaslı mütəxəssis və alimlər hazırlanır
Ceyhun Bayramov: İqtisadiyyatımızın tələblərini ödəmək üçün yüksəkixtisaslı mütəxəssis və alimlər hazırlanır
ANA SƏHİFƏ / Elm və texnika
03:12 15.12.2017

Bu gün Azərbaycan iqtisadiyyatının tələblərini ödəmək məqsədilə yüksəkixtisaslı mütəxəssis və alimlər hazırlanır.

AZƏRTAC xəbər verir ki, bunu təhsil nazirinin müavini Ceyhun Bayramov Azərbaycan Gənc Alimlərinin I Qurultayında deyib.

XXI əsrin milli təhsil quruculuğunun “Yol xəritəsi” sayılan “Azərbaycan Respublikasında təhsilin inkişafı üzrə Dövlət Strategiyası”na uyğun olaraq Təhsil Nazirliyi tərəfindən həyata keçirilən layihələrdən söz açan Ceyhun Bayramov ali təhsil sisteminin yeni inkişaf istiqamətlərinin müəyyənləşdirilməsi və formalaşdırılması üzrə görülən işlərin ali təhsil müəssisələri qarşısında yeni vəzifələr qoyduğunu söyləyib.

Təhsilin keyfiyyətinin yüksəldilməsi və kadr hazırlığının təmin edilməsindən danışan Ceyhun Bayramov 2014-cü ildə “SABAH” qruplarının yaradılması, “Ali təhsil müəssisələrinin bakalavriat və magistratura səviyyələrində kredit sistemi ilə tədrisin təşkili Qaydaları”na dəyişikliklər edilməsi, tələbələrə uzunmüddətli güzəştli kreditlərin verilməsinin tələbələrin təhsilalma imkanlarının genişləndirilməsi məqsədilə atılan addımlardan olduğunu deyib.

Respublikamızın orta ümumtəhsil məktəblərində “Kiçik akademiya”ların fəaliyyətindən danışan Ceyhun Bayramov həmin akademiyaların alimlərlə əlaqələr yaratmaq, şagirdlərə tədqiqat aparmaq, elmi nəticələri ümumiləşdirmək və onları təqdim etmək bacarıqlarının aşılanması, məktəblilər üçün konfrans və müsabiqələrin təşkil edilməsində xüsusi əhəmiyyətə malik olduğunu vurğulayıb.