15 Dekabr 2017 03:12
267
Təhsil
A- A+

Bakı Ali Neft Məktəbində “CİSCO”nun Şəbəkə Akademiyasının yaradılması qərara alınıb

Bakı Ali Neft Məktəbinin (BANM) rektoru Elmar Qasımov “CİSCO” şirkətinin Azərbaycan üzrə meneceri Şərif Şıxlinski və şirkətin MDB ölkələri üzrə şəbəkə akademiyasının proqram meneceri xanım Alyona Domotenko ilə görüşüb.

BANM-dən AZƏRTAC-a bildirilib ki, görüşdə rektor qonaqlara rəhbərlik etdiyi ali məktəb haqqında məlumat verərək burada təhsil alan tələbələrin informasiya texnologiyaları üzrə yüksək nəzəri və praktiki biliklərə malik olduqlarını vurğulayıb. Rektor BANM-in proseslərin avtomatlaşdırılması mühəndisliyi kafedrasının Azərbaycanda yüksək informasiya texnologiyaları təfəkkürünə malik ən istedadlı tələbələr yetişdirdiyini və bu gün həmin tələbələrə şirkətlər tərəfindən böyük ehtiyac duyulduğunu bildirib.

Şirkətin Azərbaycan üzrə meneceri Şərif Şıxlinski “CİSCO”nun informasiya texnologiyaları sahəsində dünya lideri olduğunu və şirkətlərə gələcəyin imkanlarından faydalanmağa kömək etdiyini vurğulayıb. Xanım Alyona Domotenko isə “CİSCO”nun təhsil ocaqları ilə əlaqələrindən danışıb, eləcə də şirkətin Şəbəkə Akademiyası (Networking Academy) haqqında məlumat verib.

Görüşdə tərəflər birgə əməkdaşlığın mümkün istiqamətlərinə dair müzakirələr aparıb və razılığa gəliblər. Müzakirələrin nəticəsi olaraq BANM-in yeni kampusunda “CİSCO”nun Şəbəkə Akademiyasının yaradılması qərara alınıb.

BANM-in və digər universitetlərin tələbələrinin yararlana biləcəyi bu mərkəzdə “CİSCO”nun mütəxəssisləri tərəfindən təlimlərin aparılması, müxtəlif layihələrin həyata keçirilməsi nəzərdə tutulur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video