15 Dekabr 2017 03:12
441
Elm və texnika
A- A+

Akif Əlizadə: AMEA-nın magistrantları elmi karyeralarını akademiyada davam etdirirlər

Azərbaycan Milli Elmlər Akademiyasının (AMEA) magistrantları elmi karyeralarını akademiyada davam etdirirlər. AMEA-da bütün magistrantlar işlə təmin olunur, eyni zamanda, qrant layihələrinə cəlb edilirlər.

AZƏRTAC xəbər verir ki, bunu AMEA-nın prezidenti, akademik Akif Əlizadə Azərbaycan Gənc Alimlərinin I Qurultayındakı çıxışında deyib.

Akif Əlizadə bildirib ki, akademiyada çalışan magistrantlar müasir cihazlarla təchiz olunmuş laboratoriyalarda, eləcə də xaricdə beynəlxalq təcrübələr keçirlər. “Hazırda AMEA-da magistratura təhsilinin müasir səviyyədə təşkili və magistrantların peşəkar mütəxəssis kimi yetişmələri üçün daha yaxşı şərait yaratmağa çalışırıq. Bu məqsədlə elmi müəssisələrdə müasir tələblərə cavab verən tədris mühiti yaradılıb. Akademiyada təhsil alan 123 magistrant üçün AMEA-nın 30-dək həqiqi və müxbir üzvü, 100-dək elmlər doktoru və 150-dək fəlsəfə doktoru tədris prosesinə cəlb olunub. Cari ilin iyulunda akademiyanın ilk magistrlərinin buraxılışını böyük təntənə ilə qeyd etdik. Sevindirici haldır ki, onların hamısı öz elmi karyeralarını akademiyada davam etdirirlər”, - deyə akademik bildirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video