13 Dekabr 2017 11:12
277
Səhiyyə
A- A+

Formaca beyini xatırladır...

Qoz meyvələrini "ağıl qidası" adlandırırlar. Qədim yunan tarixçisi Herodotun iddiasına görə, qədim Babilistanın kahinləri sadə adamlara onun meyvəsini yeməyi qadağan etmişdilər. Qoz meyvələri əqli fəaliyyətə müsbət təsir göstərir. Qozun ləpəsi formaca beyini xatırladır.

AZƏRTAC bir sıra tibbi mənbələrə istinad edərək xəbər verir ki, qədim kitablarda qozun İrandan Fələstinə daşınması haqqında məlumatlar var. Qədim skiflərdə və romalılarda qoz sevimli qida sayılırdı. Ondan toy ziyafətlərində şirniyyat hazırlanması məqsədilə istifadə edilirdi və yunan qozu nikahın simvolu hesab olunurdu.

Qoz ağacının fitonsid keyfiyyətləri var, onun bitdiyi yerə həşəratlar gəlmir, həmin ərazidə güvə və milçək olmur.

Hippokrat mədə, beyin, ürək, qaraciyər və böyrək xəstəlikləri zamanı qoz meyvələrindən istifadə etməyi məsləhət görürdü. Qozu şəkərli diabet zamanı da tövsiyə etmək olar, çünki tərkibində manqan və şəkəri endirən sink var. Onun tərkibində karbon az olsa da, qaraciyər piylənməsinin qarşısını alan maddələr çoxluq təşkil edir. Tərkibindəki B qrupu vitaminləri, kalium duzları və fosfor uşaq və yeniyetmələrin inkişafına yaxşı təsir edir. Yarpaqlarından hazırlanan islatma və cövhər limfa şəbəkəsinin, orta qulağın və ağızın selikli qişasının iltihablaşma prosesini zəiflədir.

Şərq təbibləri hesab edirlər ki, qoz beyini, ürəyi və qaraciyəri möhkəmlədir. Qədim tacik tibb traktatlarına əsasən südlə qoz ləpələrinin birgə tətbiqi sağlamlığa müsbət təsir göstərir. Onun mədə həzmini yaxşılaşdırmaq üçün tətbiq edilməsi daha yaxşıdır.

Məşhur psixoloq Vladimir Levi qozu beyin üçün bayram adlandırır, çünki onun müntəzəm qəbul edilməsi yaddaşı yaxşılaşdırır.

Məşhur Amerika həkimi Robert Geyl belə qənaətə gəlib ki, gündə 4- 5 ədəd qoz yemək yüksək radiasiya təsirlərindən qorunmaq üçün kifayət edir.

Qoz meyvəsinin arasındakı arakasmələrin tərkibində yod və qələvilər var. Onlardan hazırlanan cövhər qalxanabənzər vəzi möhkəmləndirir, arıqladır, sakitləşdirir, yaxşı yuxu gətirir. Qozun distillə edilmiş ağ neftlə hazırlanan cövhəri hətta metastaz vermiş xərçəng xəstəliyi zamanı da tətbiq olunur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video