12 Dekabr 2017 05:12
461
Elm və texnika
A- A+

Məleykə Abbaszadə: Ümummilli lider Heydər Əliyevin ideyaları əbədi yaşayacaq

Dövlət İmtahan Mərkəzində (DİM) ümummilli lider Heydər Əliyevin əziz xatirəsini anma mərasimi keçirilib.

Mərkəzdən AZƏRTAC-a bildiriblər ki, tədbirdə DİM Direktorlar Şurasının sədri Məleykə Abbaszadə ulu öndər Heydər Əliyevin Azərbaycana rəhbərlik etdiyi bütün dövrlərdə ölkəmizdə qazanılan nailiyyətlərdən danışıb. Qeyd olunub ki, dahi rəhbər Heydər Əliyev müasir müstəqil Azərbaycanın inkişaf yolunu müəyyənləşdirib.

Ümummilli lider Heydər Əliyev siyasi irsinin, dövlətçilik təcrübəsinin əhəmiyyətini diqqətə çatdıran DİM Direktorlar Şurasının sədri dahi rəhbərin ideyalarının əbədi yaşayacağını söyləyib.

M.Abbaszadə müdrik şəxsiyyət Heydər Əliyevin elm, təhsil və mədəniyyətin inkişafına daim böyük önəm verdiyini xatırladıb.

DİM Direktorlar Şurası sədrinin müavini Bəhram Xəlilov müasir müstəqil Azərbaycan dövlətinin memarı və qurucusu Heydər Əliyevin doğma Vətən və xalq qarşısındakı tarixi xidmətlərindən bəhs edib.

Sonra Ulu Öndərin 2002-ci ildə ali məktəblərə yüksək balla qəbul olunmuş tələbələrlə görüşünü əks etdirən film göstərilib.

Digər çıxış edənlər də ümummilli lider Heydər Əliyevin böyük xilaskarlıq rolunu vurğulayıblar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video