11 Dekabr 2017 05:12
1875
Turizm
A- A+

Bu ilin 11 ayında ölkəmizi 2 milyondan çox xarici vətəndaş ziyarət edib

Bu ilin on bir ayı ərzində ölkəmizə gələn xarici vətəndaşların sayı 2 milyon 477 min 908 nəfər olub.

Mədəniyyət və Turizm Nazirliyindən AZƏRTAC-a bildirilib ki, ölkəmizə səfər edənlərin 790 min 258 nəfəri Rusiyanın payına düşür.

Bundan başqa, Gürcüstandan 488 min 269, İrandan 340 min 702, Türkiyədən 275 min 147, Birləşmiş Ərəb Əmirliklərindən 87 min 215, İraqdan 58 min 259, Ukraynadan 53 min 583 və Səudiyyə Ərəbistanından isə 32 min 644 nəfər ölkəmizi ziyarət edib.

Ziyarətçilərin 351 min 831 nəfəri isə digər ölkə vətəndaşlarıdır. Ən çox xarici ölkə vətəndaşları ölkəmizə iyul ayında (313 min 515 nəfər) gəlib.

Bu dövr ərzində ölkəmizə gələn xarici vətəndaşların ümumi sayında Rusiya, Gürcüstan, İran, Türkiyə və BƏƏ vətəndaşlarının xüsusi çəkisi daha çox qeydə alınmaqla müvafiq olaraq 31,8, 19,7, 13,7, 11,1 və 3,5 faiz təşkil edib.

Ötən ilin müvafiq dövrü ilə müqayisədə bu il əsas artım tempi göstərən ölkələr İran, BƏƏ, Rusiya olub. Belə ki, bu il ölkəmizə İrandan 117 min 556, BƏƏ-dən 44 min 558, Rusiyadan isə 105 min 20 nəfər daha çox şəxs gəlib.

2016-cı ilin 11 ayında Azərbaycana gələn xarici vətəndaşların sayı 2 milyon 64 min 224 nəfər, noyabr ayında isə 169 min 427 nəfər təşkil edib. Ötən ilin müvafiq dövrü ilə müqayisədə cari ilin 11 ayında Azərbaycana 413 min 684 nəfər, təkcə noyabr ayında isə 31min 877 nəfər çox xarici vətəndaş gəlib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video