Alternative content

15:55 19 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Ulu öndər Heydər Əliyev dünya siyasətinə adını yazdıran müdrik siyasi lider və fenomenal şəxsiyyətdir
Ulu öndər Heydər Əliyev dünya siyasətinə adını yazdıran müdrik siyasi lider və fenomenal şəxsiyyətdir
ANA SƏHİFƏ / Təhsil
05:12 11.12.2017

Dekabrın 11-də Azərbaycan Memarlıq və İnşaat Universitetində (AzMİU) ümummilli lider Heydər Əliyevin xatirəsinə həsr edilmiş anım tədbiri keçirilib.

AzMİU-dan AZƏRTAC-a bildirilib ki, anım tədbirində universitetin professor-müəllim heyəti, tələbələr, eyni zamanda, Milli Məclisin deputatları iştirak ediblər.

Tədbir iştirakçıları əvvəlcə ulu öndərin əziz xatirəsini bir dəqiqəlik sükutla yad ediblər.

Tədbirdə müasir və müstəqil Azərbaycan dövlətinin banisi Heydər Əliyevin milləti və xalqı qarşısında olan misilsiz xidmətlərindən danışan universitetin rektoru, professor Gülçöhrə Məmmədova Ulu Öndərin dünya siyasətinə adını yazan mütəfəkkir şəxsiyyət, müdrik siyasi lider və fenomenal şəxsiyyət olduğunu vurğulayıb. Rektor Ulu Öndərin Azərbaycana rəhbərlik etdiyi bütün dövrlərdə iqtisadiyyat, təhsil, mədəniyyət və digər sahələrdə müşahidə olunan inkişafı diqqətə çatdırıb. O, hazırda memarlıq və inşaat sahəsində peşəkar kadr hazırlığı aparan Memarlıq və İnşaat Universitetinin yaradılması təşəbbüsünün də məhz dahi lider Heydər Əliyev tərəfindən gerçəkləşdiyini qeyd edib.

Milli Məclisin deputatları Şahin İsmayılov və Aydın Hüseynov, YAP Gənclər Birliyinin sədri Seymur Orucov çıxışlarında ümummilli lider Heydər Əliyevin zəngin həyat və fəaliyyətindən, Azərbaycan tarixindəki rolundan, ölkənin inkişafı istiqamətində həyata keçirdiyi uğurlu islahatlardan söhbət açıblar.

AzMİU-nun tələbələri Fidan Məmmədzadə və Ülvi Verdiyev isə Ulu Öndərin gənclər siyasətindən danışıblar, ümummilli lider Heydər Əliyevin gənc nəslin yüksək intellektli qüvvə kimi formalaşmasında böyük xidmətlərini xatırladıblar.