Alternative content

04:48 24 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Dastanbek Cumabəyov: Azərbaycan dinamik inkişaf edən ölkədir
Dastanbek Cumabəyov: Azərbaycan dinamik inkişaf edən ölkədir
ANA SƏHİFƏ / PARLAMENT
09:12 08.12.2017

Qırğızıstan parlamenti - Joqorku Keneşin sədri Dastanbek Cumabəyov dekabrın 8-də TürkPA-nın Bişkekdə keçirilən iclası çərçivəsində Azərbaycan Milli Məclisinin sədri Oqtay Əsədov ilə görüşüb.

AZƏRTAC xəbər verir ki, Azərbaycanın dinamik inkişaf edən ölkə olduğunu vurğulayan Joqorku Keneşin sədri türkdilli xalqlarımızı həm də tariximizin və mədəniyyətimizin eyniliyinin birləşdirdiyini deyib. O qeyd edib ki, dövlətlərarası əməkdaşlığın dərinləşdirilməsində parlamentlərarası əlaqələrin inkişafı mühüm əhəmiyyət kəsb edir. Dastanbek Cumabəyov bildirib ki, konstruktiv dialoq və təcrübə mübadiləsi aparmaq, ölkələrimiz arasında qarşılıqlı dəstəyi gücləndirmək hər iki xalqın bir-birini yaxşı tanımasına kömək edəcək.

Milli Məclisin sədri Oqtay Əsədov Dastanbek Cumabəyova səmimi qəbula görə minnətdarlığını bildirib, parlamentin sədri seçilməsi və TürkPA-ya sədrliyi münasibətilə onu təbrik edib. O bildirib ki, Azərbaycan Qırğızıstanla ikitərəfli əlaqələrin daha da inkişafında və qarşılıqlı faydalı əməkdaşlığın bütün sahələrdə dərinləşdirilməsində maraqlıdır.

Oqtay Əsədov Dastanbek Cumabəyovu onun üçün münasib olan vaxtda Azərbaycana səfərə dəvət edib.

Dəvət məmnunluqla qəbul olunub.