Alternative content

01:56 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Piylənmə və hipertoniyanın daha bir səbəbi aşkar edilib
Piylənmə və hipertoniyanın daha bir səbəbi aşkar edilib
ANA SƏHİFƏ / Səhiyyə
08:12 07.12.2017

Nyukasl Universitetinin (Böyük Britaniya) alimləri müəyyən ediblər ki, ağrıkəsici dərmanlar insanda piylənmənin və yuxusuzluğun inkişaf etməsinə gətirib çıxarır. Tədqiqatçılar bildirirlər ki, həkimlər belə preparatların qəbul edilməsi ilə bağlı əlavə təsirlərin, o cümlədən gecələr tənəffüsün və yuxunun pozulması hallarının sayının son vaxtlar artdığını qeydə alıblar.

AZƏRTAC “MedikForum.ru” saytına istinadla xəbər verir ki, tərkibində opiat komponentləri olan ağrıkəsici dərmanların daxilə qəbul edilməsi piylənmə riskini 95 faiz, hipertoniya riskini 63 faiz artırır. Bu səbəbdən xroniki ağrıları aradan qaldırmaq üçün tətbiq edilən ağrıkəsici preparatlar qısa müddətə təyin edilməlidir.

Mütəxəssislər ürəyi xəstə olan 133 min pasiyent haqqında toplanmış məlumatı “UK Biobank” layihəsi çərçivəsində təhlil edərək bu qənaətə gəliblər. Pasiyentləri şərti olaraq iki qrupa ayırıblar: kardiopreparatlarla yanaşı, ağrıkəsici vasitələr qəbul edənlərə və yalnız ürək dərmanları qəbul edənlərə. Sonra onların bədən kütləsi, bel dairəsi və arterial təzyiq göstəriciləri tutuşdurulub.

Alimlər müəyyən ediblər ki, ağrıkəsici dərmanlar içən insanlarda piylənmə və hipertoniya ehtimalı xeyli yüksəkdir.

Tədqiqatçılar deyiblər: “Belə bir fakt böyük narahatlıq doğurur ki, tərkibində opiat komponentləri olan preparatlar getdikcə daha çox təyin olunur. Nəticədə onların qəbul edilməsi ilə bağlı əlavə təsirlərin sayı artır. Pasiyentləri tez-tez ağrıkəsici dərmanları artıq dozada qəbul etdikləri üçün xəstəxanaya yatırırlar. Bundan əlavə, onlar gecələr tənəffüsün pozulmasından və yuxusuzluqdan əziyyət çəkirlər”.