Ücretsiz php script indir film izle hd film izle shell indir md5 cracker dizi izle hacklink satışı PDO Kullanımı shell indir Warez Mavi Orkide Hileli oyun APK cracked apk muhammet ali özer

Alternative content

00:21 18 Noyabr 2018
ONLINE XƏBƏR LENTİ
FOTOXRONİKA
Bakı bu gün - FOTO REPORTAJ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Bu oğlum da şəhid qardaşı kimi əsgəri borcunu şərəflə yerinə yetirəcək
Bu oğlum da şəhid qardaşı kimi əsgəri borcunu şərəflə yerinə yetirəcək
ANA SƏHİFƏ / Oxucu məktubları
12:11 30.11.2017

 

Azərbaycanın dövlət sərhədlərinin qorunması, ərazi bütövlüyünün bərpası uğrunda çalışmaq hər kəsin həm mənəvi, həm də vətəndaşlıq borcudur. Vətən, dövlət - evimiz, vətəndaşlarımız  - ailəmizdir. Onları qorumaqda hər kişi hərbi mükəlləfdir.

Mən şəhid atasıyam. Oğlum Əmiraslan aprel döyüşləri zamanı - Tərtərin Seysulan kəndi istiqamətində aparılan hərbi əməliyyatlarda şücaət göstərərək şəhid olub. O günləri tez-tez yuxuda da görürəm. Oğlumun şəhid olması xəbərini alanda sanki dizlərim qatlandı, nəfəsim dayandı. Axı, əsgərlikdən qayıtmasına az qalmışdı. Şirin xəyallarda ordudan tərxis olacağı günü, hətta toyunu belə yaşamışdım. Qayıtdı, ancaq bayrağa bükülü... Həyət-bacamız insanla dolu idi, lakin sevincimizə şərik olmağa deyil, dərdimizi bölməyə, həyan olmağa gəlmişdilər. Onda anladım ki, övlad, oğul mənim olsa da, şəhid xalqın, dövlətindir... Dəfnində böyük izdiham var idi. Bütün kənd, rayon, ətrafda yaşayan hər kəs yanımızda olmağı özünə borc bilmişdi. Beləcə, yaylım atəşi altında Əmiraslan Cağarqışlaq kəndində torpağa tapşırıldı, məzarı üstünə əklil və tər qərənfillər düzüldü. Onun tabutu üzərinə çəkilmiş üçrəngli dövlət bayrağını ailə xəzinəsində əbədi xatirə olaraq saxlayacağıq...

Övlad, oğul itkisi hər bir valideyn üçün ağır dərddir. Amma torpaq uğrunda ölən varsa, Vətəndir! Bizə də toxtaqlıq verən budur. Dövlət qayğısı, el məhəbbəti və ehtiramı dərdimizi yüngülləşdirir, yaşamağımızı stimullaşdırır. Həyat davam edir. Daha doğrusu, davam etməlidir - digər ailə üzvləri, övladlarım qarşısında da valideynlik, atalıq borcumu yerinə yetirməliyəm. İnsanların ailəmizə göstərdiyi isti münasibət, dövlət qayğısı ailəmizi nikbinləşdirib. Verilən mənəvi dəstək sayəsində həyatımızı sürürük. Bizi yaşadan bir də şəhidimizin xatirəsidir.

Qapımız hər kəsin üzünə açıqdır - gəlib-gedən, yad edən yeniyetmə və gənclər daha çox olur. Oturub oğlum Əmiraslanın həyatını, keçdiyi döyüş yolunu xatırlayır, onun qəhrəmanlığı ilə qürur duyuruq.

Bəli, həyat davam edir. Bu günlərdə kiçik oğlum Əmrahı da ordu sıralarına yola saldıq. Əminəm ki, bu oğlum da şəhid qardaşı kimi vətən borcunu şərəflə yerinə yetirəcək, intizamlı, cəsur əsgər olacaq: torpaqlarımızı yağı düşməndən qoruyacaq və sağ-salamat evinə-ailəsinə, kəndinə dönəcək.

İşğal altındakı torpaqlarımızı azad edəcəyimiz günü səbirsizliklə gözləyirəm. Məhz o zaman bütün şəhidlərimizin, o cümlədən Əmiraslanın intiqamı alınacaq!

 

Xəlil XEYİRBƏYOV,

Qusar rayon sakini, şəhid atası

 


NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU


VALYUTA


ARXİV


TƏQVİM