Alternative content

16:56 16 Noyabr 2018
ONLINE XƏBƏR LENTİ
FOTOXRONİKA
Bakı bu gün - FOTO REPORTAJ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Təşəbbüskar polis
Təşəbbüskar polis
ANA SƏHİFƏ / Oxucu məktubları
12:11 30.11.2017

 

Əslinə qalsa, təbiəti sevmək, ona qayğı göstərmək hər kəsin vətəndaşlıq borcudur. Çünki biz özümüz də təbiətin bir parçasıyıq və ondan faydalanaraq yaşayırıq: havasını udur, suyunu içir, qoynunda yetişdirdiyi nemətlərlə qidalanırıq. Elə insanlar var ki, çox vaxt qarşısına “ana” yazdığımız təbiəti göz bəbəyi kimi qoruyur, ona qayğı göstərir. Belələrindən biri Elman Əliyevdir.

Hamı xeyirdə-şərdə, keçirilən müxtəlif tədbirlərdə onun gördüyü xeyirxah işdən, təbiətə olan xoş münasibətindən danışır. O, yaşadığı məhəllənin Kür çayı sahili hissəsində təmizlik işləri gördürərək  səliqə-sahman yaratmış, uzunluğu 150, eni 50 metr olan zolaqda  cərgə ilə 150 ədəd xan çinarı, qovaq ağacları əkdirib. Ağacları sulamaq üçün çayın sahilinə nasos qoydurub.

Qızmar yay aylarında, demək olar ki, hər gün həmin ağacları sulayır. Elman Əliyev polis mayorudur, rayon polis şöbəsində çalışır. Ağacların əkinində, suvarılmasında, eləcə də qulluğunda - diblərinin yumşaldılmasında,  mövsümi budanmasında özü də iştirak edir.  Qayğı və qulluq nəticəsində 2011-ci ildən salınan bu yaşıllıq zolağında əkilən ağaclar artıq kifayət qədər böyüyüb. Ərazi parkı xatırladır. Yayın isti günlərində ətrafda yaşayan əhali buraya gəlib istirahət edir, asudə vaxtlarını səmərəli keçirirlər. Bunları gördükcə insanın qəlbində xoş hisslər oyanır. Kaş, hər kəs təbiəti, yaşıllığı belə sevəydi, ona belə qayğı göstərəydi.

 

Mirpaşa HƏSƏNOV,

Salyan şəhər sakini

 


NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU


VALYUTA


ARXİV


TƏQVİM