30 Noyabr 2017 12:11
820
Oxucu məktubları
A- A+

Uğur mübarizlikdən başlayır

 

Qubada idmanı  çox sevirlər.  Rayonda onlarla idman məktəbi var.  Bizim məktəb  4 ildir fəaliyyət göstərir.  “Emixfitnes”  klubunda gənclər idmanın cüdo növü ilə məşğul olurlar. İdmançılarımızın nailiyyətləri də olur:  onlar  respublika əhəmiyyətli yarışlarda uğurla çıxış edirlər.

Klubumuzda  təkcə şəhərin özündən deyil, kəndlərdən gələn gənclər də  məşq edirlər. Onların arasında qızlar da var. 40-a yaxın gənc cüdonun sirlərini öyrənib təkcə respublika turnirlərində  deyil,  beynəlxalq yarışlarda  bayrağımızı ucaltmaq əzmindədirlər. Bunun üçün  çalışır, intensiv məşq edir, ustalıqlarını artırırlar. İnanırıq ki, yaxın gələcəkdə dünyanın ən mötəbər yarışlarında fəxri kürsüyə qalxacaq, medal qazanacaq cüdoçular arasında bizim yetirmələrimiz, qubalı idmançılar da olacaqdır.

Valideynlərə və gənc idmançılara  demək istəyirəm ki, idmanda uğur qazanmaq üçün səbr və əzmkarlıq, çalışqanlıq əsas şərtdir.  Çempionluğun yolu illərlə gərgin məşqlərdən, sağlam həyat tərzindən, intizamdan, zəhmətdən keçir. İdman peşəkarlığı  həm də mətanət, dözüm, inad, mübarizlik  kimi keyfiyyətlər sayəsində  püxtələşir və son nəticədə bəhrə verir. Odur ki, tez nəticə hasil olmayanda gənclər həvəsdən düşməməli, valideynlər də onları idmandan ayırmamalıdırlar.

 

Vaqif  İSMAYILOV,

Quba rayonu, müəllim-məşqçi

 

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video