Alternative content

15:36 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Alimlər hansı yuxunun daha faydalı olduğunu açıqlayıblar
Alimlər hansı yuxunun daha faydalı olduğunu açıqlayıblar
ANA SƏHİFƏ / Səhiyyə
04:11 22.11.2017

Kaliforniya Universitetinin alimləri yuxunun hansı dövrünün sağlamlıq üçün daha faydalı olduğunu aydınlaşdırıblar. Tədqiqatçıların fikrincə, yuxunun “qısamüddətli” adlandırılan sonuncu fazası stressin öhdəsindən gəlməkdə insana kömək edir.

AZƏRTAC “Apral” saytına istinadla xəbər verir ki, mütəxəssislər öz nəzəriyyələrini təsdiq etmək üçün əməli təcrübə aparıblar. Könüllüləri qısamüddətli yuxuya verərək, - adətən bu zaman insan yuxu görür, - onları mümkün qədər çox bu vəziyyətdə saxlayıblar. Nəticədə məlum olub ki, respondentlərin qorxu hissi ilə bağlı olan beyin fəallığı yavaşıyıb. Uzun müddət qısamüddətli yuxuda olanlar özlərini inamlı hiss ediblər, posttravmatik emosional pozğunluğun və gərginlik hissinin öhdəsindən asanlıqla gəliblər.

Daha əvvəl bir qrup ABŞ alimi nə vaxt yatmağın daha faydalı olduğunu müəyyən edib. Tədqiqatçıların fikrincə, gündüz yuxusu gücü sürətlə bərpa etməyə, diqqəti müəyyən məsələ üzərində cəmləşdirmək üçün lüzumsuz fikirlərdən uzaqlaşmağa imkan verir.