22 Noyabr 2017 12:11
249
Təhsil
A- A+

Bakı Ali Neft Məktəbində beynəlxalq təlim proqramı uğurla davam edir

Bakı Ali Neft Məktəbi (BANM), İngiltərənin “TwentyEighty Strategy Execution (STRATEX)” şirkəti, BP və onun tərəfdaşlarının birgə əməkdaşlığı ilə həyata keçirilən təlim proqramı - Layihə İdarəetmə Məktəbi fəaliyyətini uğurla davam etdirir.

BANM-dən AZƏRTAC-a bildiriblər ki, dövlət və özəl sektorda çalışan şirkətlərin böyük marağına səbəb olan bu proqram iştirakçılara layihə menecmentinin dərinliklərini öyrədir və sonda məktəbi uğurla başa vuranlara ABŞ-ın Corc Vaşinqton Universitetinin magistr sertifikatı verilir.

Bu ilin mayında BANM-in Prezident İlham Əliyevin iştirakı ilə açılan yeni kampusunda Layihə İdarəetmə Məktəbinin hər iki qrupunun növbəti modulları - “Layihə rəhbərləri üçün keyfiyyət” və “Risklərin idarəedilməsi” təlimləri keçirilib. “Stream 16” qrupunda keçirilən “Layihə rəhbərləri üçün iş keyfiyyəti” kursunu “STRATEX” şirkətinin peşəkar təlimçilərindən olan Con Pelham aparıb. Kursda iştirakçılara “Layihə keyfiyyət idarəçiliyi”, “Layihə keyfiyyətini planlaşdırma”, “Layihə keyfiyyətinə təminat”, “Layihə keyfiyyətinə nəzarət” mövzularında təlimlər keçilib. Həmçinin iştirakçılar müvafiq istiqamətdə fikir mübadiləsi aparıb və qrup çalışmalarını yerinə yetiriblər.

“Stream 17” qrupunda “STRATEX” şirkətinin xüsusi peşəkarlığı ilə seçilən təlimçisi Didye Estibal “Risklərin idarəedilməsi” kursunu keçib. İştirakçılar bu kursda layihə risklərini idarə etmək üçün praktik və səkkizpilləli prosesdən istifadə, təhlükə və imkanları, onların layihədəki nisbi qiymətini müəyyənləşdirmək, məhdud strategiyalardan istifadə ilə çoxsaylı risklərə nəzarət etmək kimi aidiyyəti mövzular barədə məlumatlandırılıblar.

Sonda BANM-in rektoru Elmar Qasımov Layihə İdarəetmə Məktəbinin “Stream 16” qrupunun iştirakçılarına ilk üç kursu bitirmələri və layihə idarəetməsi üzrə əsas baza təlimlərini başa çatdırmaları münasibətilə Amerikanın Corc Vaşinqton Universitetinin və İngiltərənin “STRATEX” şirkətinin birgə “Associate’s Certificate in Project Management” sertifikatlarını təqdim edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video