Alternative content

02:07 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Milli Oftalmologiya Mərkəzinin Səyyar Klinikası Tovuzda humanitar aksiya keçirib
Milli Oftalmologiya Mərkəzinin Səyyar Klinikası Tovuzda humanitar aksiya keçirib
ANA SƏHİFƏ / Səhiyyə
03:11 11.11.2017

Akademik Zərifə Əliyeva adına Milli Oftalmologiya Mərkəzinin Səyyar Klinikası Tovuzda humanitar aksiya keçirib.

AZƏRTAC xəbər verir ki, Milli Oftalmologiya Mərkəzi mütəmadi olaraq respublikanın müxtəlif regionlarında pasiyentlərə səyyar xidmət göstərir. Məqsəd həm pasiyentlərin səhhətləri ilə bağlı problemlərin həllinə kömək göstərmək, eyni zamanda, göz xəstəlikləri ilə əlaqədar monitorinqlər aparmaq, qarşıya çıxan xəstəliklərin qarşısını vaxtında almaqdır.

Milli Oftalmologiya Mərkəzinin əməkdaşı Yazgül Abdıyevanın sözlərinə görə, Tovuzda keçirilən aksiyada da məqsəd müayinələr aparmaq, müalicə tətbiq etmək, eləcə də cərrahi əməliyyatlar həyata keçirmək idi: “Mərkəzin 13 nəfərdən ibarət həkim və tibb işçilərindən ibarət heyəti yerli həkimlərin də iştirakı ilə 200-ə yaxın pasiyentə tibbi xidmət göstərib. Onlar müayinə olunublar və müalicə üsulları tətbiq edilib. 20 pasiyent katarakta, refraksiya patologiyası və digər xəstəliklər üzrə cərrahi əməliyyat olunub”.

Akademik Zərifə Əliyeva adına Milli Oftalmologiya Mərkəzi 13 Noyabr - Beynəlxalq Gözdən Əlillər Günü ilə əlaqədar Tovuzda maarifləndirmə tədbirləri də keçirib. Məqsəd dünyanın mübarizə apardığı korluğun qarşısının alınması prosesində fəal iştirak etməkdir. Aksiya çərçivəsində gözlə bağlı problemi olan pasiyentlərə bir sıra məsləhətlər verilib, eləcə də müayinə və müalicələr aparılıb.

Qeyd edək ki, 2005-ci ildən 2017-ci ilədək Səyyar Klinika respublikanın 87 rayon və şəhərində 122 dəfə aksiya keçirib. 21 min 645 pasiyent müayinə və müalicə edilib, 2 min 465 xəstə cərrahi əməliyyat olunub.