10 Noyabr 2017 10:11
228
Təhsil
A- A+

Malayziya Texniki Universiteti ilə əməkdaşlıq əlaqələrinin qurulmasına dair razılıq əldə olunub

Azərbaycan Milli Elmlər Akademiyasının (AMEA) İnformasiya Texnologiyaları İnstitutunda Malayziya Texniki Universitetinin (MTU) fəxri professoru Datuk Şahrin Sahib ilə görüş keçirilib. Görüşdə hər iki qurum arasında əməkdaşlıq əlaqələrinin qurulmasına dair razılıq əldə olunub.

AMEA-dan AZƏRTAC-a bildirilib ki, institutun texnologiyalar üzrə direktor müavini, dosent Rəşid Ələkbərov informasiya texnologiyaları və informasiya cəmiyyəti problemlərinin müxtəlif istiqamətləri üzrə aparılan elmi tədqiqatlar barədə danışıb. Bildirib ki, qurumda informasiya təhlükəsizliyi, Big Data, biometrik texnologiyalar, informasiya və biliklər iqtisadiyyatı, proqram mühəndisliyi, e-dövlətin formalaşması, e-təhsil, e-tibb və s. istiqamətlərdə araşdırmalar aparılır.

R.Ələkbərov institutun “AzScienceNet” elm-kompüter şəbəkəsi barədə də məlumat verib. Alim, həmçinin informasiya texnologiyaları sahəsi üzrə yüksəkixtisaslı kadr hazırlığı, elmi əməkdaşlıq əlaqələrinin inkişafı istiqamətində institutda görülən işləri də diqqətə çatdırıb.

Malayziyalı professor üç şəhərcikdən ibarət olan MTU-da texnologiya və mühəndislik sahələri üzrə təhsilin həyata keçirildiyini diqqətə çatdırıb. Qeyd edib ki, universitetdə 81 proqram üzrə 11 mindən çox tələbə təhsil alır. Ötən il universitetin ümumilikdə 2792 məzunu olub.

Qonaq İnformasiya Texnologiyaları İnstitutunda yaradılmış şəraiti yüksək qiymətləndirib.

Sonra MTU-nun fəaliyyətini əks etdirən videoçarx nümayiş olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video