Alternative content

21:01 23 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Milli Oftalmologiya Mərkəzinin Səyyar Klinikası Tovuz şəhərində humanitar aksiya keçirir
Milli Oftalmologiya Mərkəzinin Səyyar Klinikası Tovuz şəhərində humanitar aksiya keçirir
ANA SƏHİFƏ / Səhiyyə
05:11 10.11.2017

Akademik Zərifə Əliyeva adına Milli Oftalmologiya Mərkəzinin Səyyar Klinikası Tovuz şəhərində humanitar aksiya keçirir.

Milli Oftalmologiya Mərkəzinin elmi təşkilat bölməsinin rəhbəri Yazgül Abdıyeva AZƏRTAC-a bildirib ki, yerli həkimlərin də iştirakı ilə iki gün davam edəcək aksiya çərçivəsində əhaliyə tibbi xidmət göstəriləcək, müayinə və müalicə aparılacaq. İyirmi nəfər üzərində katarakta, refraksiya patologiyası və digər xəstəliklər üzrə cərrahi əməliyyat planlaşdırılıb.

Tovuz Rayon Mərkəzi Xəstəxanasının baş həkimi Paşa Muradov qeyd edib ki, Akademik Zərifə Əliyeva adına Milli Oftalmologiya Mərkəzi, habelə 13 noyabr - Beynəlxalq Gözdən Əlillər Günü ilə bağlı rayonda maarifləndirmə tədbirləri keçirib. Aksiya çərçivəsində gözlə bağlı problemi olan pasiyentlərə bir sıra məsləhətlər verilib, eləcə də müayinə və müalicələr aparılıb.

Qeyd edək ki, 2005-ci ildən 2017-ci ilədək Səyyar Klinika respublikanın 87 rayon və şəhərində 122 dəfə aksiya keçirib. 21 min 645 pasiyent müayinə və müalicə olunub, 2 min 465 xəstə cərrahi əməliyyat edilib.