Alternative content

02:11 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Bakı məktəblisi BMT-nin sammitində IDEA İctimai Birliyinin fəaliyyətindən danışıb
Bakı məktəblisi BMT-nin sammitində IDEA İctimai Birliyinin fəaliyyətindən danışıb
ANA SƏHİFƏ / Təhsil
01:11 10.11.2017

Almaniyanın Bonn şəhərində BMT-nin Ədalətli İqlim Konfransı çərçivəsində on üçüncü Gənclər Sammiti keçirilib.

AZƏRTAC xəbər verir ki, tədbirdə dünyanın 114 ölkəsindən 1500-dən artıq gənc iştirak edib. Azərbaycanı sammitdə təmsil edən Bakı Atatürk liseyinin onuncu sinif şagirdi Fidan Dərgahlı ölkəmizdə ətraf mühitin qorunması istiqamətində görülən işlər, məktəblərdə mütəmadi keçirilən ekoloji maarifləndirmə tədbirləri barədə məlumat verib. Ölkəmizin ekologiya sahəsində aparıcı təşkilatı olan IDEA İctimai Birliyinin fəaliyyətinə toxunan məktəbli vurğulayıb ki, bu qurum meşəlik ərazilərin genişləndirilməsi məqsədilə mütəmadi ağacəkmə aksiyaları keçirir. Son illər iqlim dəyişikliyi və qlobal istiləşmənin ciddi ekoloji təhlükəyə çevrilməsi fonunda yaşından asılı olmayaraq hər bir şəxs ətraf mühitin mühafizəsinə töhfəsini verməlidir. Ekoloji maarifləndirmənin daha çox diqqətdə saxlanılması vacibdir.

Sammit çərçivəsində görüş iştirakçılarına IDEA İctimai Birliyinin beşillik fəaliyyətini əks etdirən hesabat və ətraf mühit sahəsində ölkəmizdə həyata keçirilən tədbirlər barədə müxtəlif məzmunlu materiallar paylanılıb.