Alternative content

04:08 19 Sentyabr 2018
ONLINE XƏBƏR LENTİ
19.09.2018
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Dünya Səhiyyə Təşkilatı heyvandarlıqda antibiotiklərdən sui-istifadə etməməyə çağırır
Dünya Səhiyyə Təşkilatı heyvandarlıqda antibiotiklərdən sui-istifadə etməməyə çağırır
ANA SƏHİFƏ / Səhiyyə
08:11 08.11.2017

Dünyada antibiotiklərin 80 faizi heyvandarlıq sektorunda istifadə olunur. Özü də heyvanların sürətlə böyüməsini təmin etmək və onların xəstələnməsinin qarşısını almaq üçün antibiotikləri çox vaxt sağlam heyvanlara verirlər.

AZƏRTAC Dünya Səhiyyə Təşkilatına (DST) istinadla xəbər verir ki, DST ekspertləri fermerlərə və yeyinti sənayesi nümayəndələrinə müraciət edərək, onları antibiotiklərdən lüzumsuz yerə istifadə etməməyə çağırırlar. Axı dərman preparatları heyvanların ətində toplanır və insan orqanizminə düşür. Nəticədə insanlarda antibiotiklərə davamlılıq yaranır.

DST nümayəndəsi Mark Şprenger deyib: “Antibiotiklərə davamlılıq ictimai səhiyyə üçün çox ciddi təhlükədir. Yaranmış şəraitdə bakterial infeksiyaların çoxunu daha müalicə etmək mümkün olmur. Məsələn, sidik yollarının infeksiyası, sətəlcəm, süzənək, vərəm və qan zəhərlənməsi kimi xəstəlikləri misal çəkmək olar. Başqa sözlə desək, mövcud olan antibiotiklər artıq səmərəli deyildir.

Ekspertlər xatırladırlar ki, xərçəngin müalicəsi və daxili orqanların köçürülməsi zamanı əlavə infeksiyaların aradan qaldırılmasında antibiotiklər mühüm rol oynayır.

Dünya Səhiyyə Təşkilatının fikrincə, antibiotiklərə davamlılığın inkişaf etməsi ayrı-ayrı hallarda insanın ölümünə səbəb ola bilər.