06 Noyabr 2017 04:11
262
Təhsil
A- A+

Heydər Əliyev adına Müasir Təhsil Kompleksində “Elm” guşəsi yaradılıb

Noyabrın 6-da Heydər Əliyev adına Müasir Təhsil Kompleksində (MTK) Azərbaycan Milli Elmlər Akademiyasının (AMEA) Gənc Alim və Mütəxəssislər Şurasının, AMEA-nın Biologiya və Tibb Elmləri Bölməsinin birgə təşkilatçılığı ilə yaradılmış “Elm” guşəsinin açılışı olub.

AZƏRTAC xəbər verir ki, bununla əlaqədar kompleksdə keçirilən tədbirdə Biologiya və Tibb Elmləri Bölməsinin akademik-katibi, akademik Əhliman Əmiraslanov bölmənin fəaliyyətini əks etdirən “Elm” guşəsinin yaradılmasının elm və təhsilin inteqrasiyasına xidmət etdiyini vurğulayıb. Bildirilib ki, AMEA-da elmlə təhsilin inteqrasiyası sahəsində mühüm addımlar atılır, elmi müəssisələrdə baza kafedraları yaradılır və artıq akademiyada magistraturaya qəbul həyata keçirilir.

Akademik qeyd edib ki, orta məktəblərdə “Elm” guşəsinin təşkilinin əsas məqsədi təhsil müəssisələri ilə bölmələrin institutları arasında əlaqələrin yaradılması, hələ məktəb yaşlarında şagirdlərdə elmə, müxtəlif sahələrə maraq və həvəsin artırılması, istedadlı və perspektivli gənclərin buraya cəlb edilmələri və elmin populyarlaşdırılmasıdır. Vurğulanıb ki, bu cür layihələr gənc nəslin müxtəlif sahələr üzrə bilik və bacarıqlarının zənginləşməsinə, onların biologiya elminə həvəslərinin artırılmasına kömək edəcək.

MTK-nın icraçı direktoru Məmmədəli Kəsəmənli orta məktəblərdə “Elm” guşələrinin yaradılmasını yüksək dəyərləndirib, bu cür tədbirlərin istedadlı gənclərin üzə çıxarılmasında əhəmiyyətini qeyd edib.

Gənc Alimlər və Mütəxəssislər Şurasının sədri, dosent Famin Salmanov bu layihənin digər təhsil müəssisələrində də həyata keçirildiyini söyləyib, “Elm” guşələrinin Bakının və regionların bir çox məktəblərində də təşkil olunacağını diqqətə çatıdırıb. Bildirilib ki, bu cür layihələr istedadlı yeniyetmə və gənclərin üzə çıxarılmasında, dəstəklənməsində böyük əhəmiyyət daşıyır.

Tədbirdə akademiklər Validə Əlizadə, İradə Hüseynova, Biologiya və Tibb Elmləri Bölməsinə daxil olan institutların direktorları rəhbərlik etdikləri elmi müəssisələrin yaranma tarixi, fəaliyyət istiqamətləri və əldə etdikləri nailiyyətlər barədə məlumat veriblər.

Bölməyə daxil olan institutların gənc alimləri və şagirdlər maraqlı təqdimatlarla çıxış ediblər.

Sonra tədbir iştirakçıları bölmənin institutlarının fəaliyyəti barədə əyani vəsaitlərin yer aldığı “Elm” guşəsi ilə tanış olublar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video