05 Noyabr 2017 12:11
1232
Oxucu məktubları
A- A+

Hər uğurlu teatr tamaşası mədəniyyət hadisəsidir

 

Qusar Dövlət  Dram Teatrı 1992-ci ildən fəaliyyət göstərir. 63 nəfərlik kollektivdə  respublikanın 2 əməkdar  mədəniyyət işçisi çalışır. Tamaşalarda gənc aktyorlara rollar verilir.  Bu da onların püxtələşməsində xüsusi rol oynayır.

Teatrımızın repertuarı genişdir. M.F.Axundzadənin “Hacı Qara”, Ü.Hacıbəylinin “Arşın mal alan”, “O olmasın, bu olsun” tamaşalarına  əhalinin marağı böyükdür.  N.Vəzirov, Ə.Haqverdiyev, İ.Coşqun, S.Rəhman və digərlərinin əsərləri də vaxtaşırı teatrımızın səhnəsində  oynanılır. Repertuarımızda uşaqları da yaddan çıxarmamışıq. İndi gürcü yazıçısı Sadorellinin “Xatuna” tamaşası hazırlanır.

Kollektimizdə bacarıqlı aktyorlar çoxdur. Yeganə Gülməmmədova, Bağır Əhmədov, Diana Cəfərova, Nurlana Atlıxanova, Elvin Ramazanov və başqaları müxtəlif rolları bacarıqla oynayırlar. Teatrımızda  Azərbaycan  dili ilə yanaşı,  ləzgi dillində də tamaşalar göstərilir.

Bu mövsüm də rayon  sakinləri istirahət günlərində, asudə vaxtlarında  teatra gəlirlər. Zəhmətimizin  ən böyük makafatı da  onların alqışlarıdır.  Ümid edirik ki,  bu alqış  sədaları  hələ çox eşidiləcək.  Qusarlıları, eləcə də rayonumuzun qonaqlarını mədəni istirahət çərçivəsində  teatrımıza dəvət edirik.  Valideynlərə də məsləhət  görürük  ki, övladlarını tamaşalara  tez-tez gətirsinlər. Bu onların  tərbiyəsinə müstəsna təsir göstərəcəkdir: hər uğurlu teatr tamaşası mədəniyyət  hadisəsidir və unudulmaz  təəssüratlarla zəngin olur.

 

Faiq QARDAŞOV,

Qusar Dövlət Dram Teatrının direktoru

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video