Alternative content

12:54 21 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Azərbaycan-Fransa münasibətlərinin inkişafında parlamentlərarası əlaqələr mühüm rol oynayır
Azərbaycan-Fransa münasibətlərinin inkişafında parlamentlərarası əlaqələr mühüm rol oynayır
ANA SƏHİFƏ / PARLAMENT
03:11 03.11.2017

Azərbaycan Respublikası Milli Məclisinin sədri Oqtay Əsədov noyabrın 3-də Fransa Milli Assambleyasının Fransa-Azərbaycan dostluq qrupunun rəhbəri Pyer Alen Rafan ilə görüşüb.

AZƏRTAC xəbər verir ki, görüşdə gələcək əməkdaşlıq imkanları, münasibətlərin inkişafında parlamentlərarası əlaqələrin rolu və qarşılıqlı maraq doğuran digər məsələlər ətrafında fikir mübadiləsi aparılıb.

Azərbaycan-Fransa əlaqələrindən danışan Oqtay Əsədov bildirib ki, yüksək səviyyəli qarşılıqlı səfərlər ölkələrimiz arasındakı münasibətlərin inkişafında mühüm rol oynayır. İndiyədək Azərbaycan və Fransa arasında 52 sənədin imzalandığını deyən Milli Məclisin sədri iqtisadi sahədə əlaqələrin daha da genişləndirilməsinin vacibliyini vurğulayıb.

Oqtay Əsədov Azərbaycan-Fransa münasibətlərinin inkişafında parlamentlərarası əlaqələrin mühüm rolunun olduğunu qeyd edib, hər iki ölkənin qanunverici orqanında fəaliyyət göstərən dostluq qruplarının sıx əməkdaşlıq etdiklərini diqqətə çatdırıb.

Milli Məclisin sədri Fransa Milli Assambleyasının Fransa-Azərbaycan dostluq qrupunun rəhbərinin Azərbaycana səfərinin ikitərəfli əməkdaşlığın daha da dərinləşməsinə xidmət edəcəyinə əminliyini bildirib.

Fransa Milli Assambleyasının Fransa-Azərbaycan dostluq qrupunun rəhbəri Pyer Alen Rafan Azərbaycana səfərdən və burada onlara göstərilən yüksək qonaqpərvərlikdən məmnunluqla söz açıb. Azərbaycan ilə Fransa arasında əlaqələrin inkişaf etdiyini vurğulayan qonaq dostluq qruplarının əlaqələrimizin inkişafına töhfə verdiyini söyləyib. O, həmçinin bildirib ki, Fransa Azərbaycan ilə iqtisadi, mədəni, humanitar sahələrdə əlaqələri daha da inkişaf etdirmək niyyətindədir.