Alternative content

15:57 19 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Ana südü ilə qidalanmayan uşaqlar hiperaktiv olurlar
Ana südü ilə qidalanmayan uşaqlar hiperaktiv olurlar
ANA SƏHİFƏ / Səhiyyə
07:10 23.10.2017

Ana südü ilə qidalanan uşaqlarda məhəbbət hissləri daha güclü olur. Süni qidaların tərkibində olan konservativ maddələr qaraciyəri, dalağı və mərkəzi sinir sistemini zədələyərək oyanıqlığı artırır ki, bu da hiperaktivliyə səbəb olur.

AZƏRTAC xəbər verir ki, bu barədə Azərbaycan Tibb Universitetinin (ATU) Tədris Terapevtik Klinikasının pediatrı, tibb elmləri doktoru Ələkbər Həsənov universitetin mətbuat xidmətinə bildirib.

Həkim deyib: “İstər telefonlar olsun, istərsə də planşetlərin uşaqların əlindən düşmədiyini hər birimiz yaxşı bilirik. Lakin valideynlər bilməlidilər ki, bunlar uşaq orqanizmində iki hormonu məhv edir. Onlardan birincisi seratonin maddəsidir ki, bu uşaqların əhval-ruhiyyəsini yaxşı saxlayır. Televizor, kompüterə meylli olan uşaqlarda seratoninin miqdarı azalır.

İkincisi isə endorfin hormonunun azalmasıdır. Bu hormon orqanizmdə ağrıkəsici funksiyanı yerinə yetirir. Endorfinin azalması uşaqlarda başağrıları və özünəqapanma halları ilə müşayiət olunur. Belə hallara isə məktəbəqədər, eləcə də məktəbyaşlı uşaqlarda daha çox rast gəlinir. Belə uşaqlar çox aqressiv olurlar”.

Pediatr onu da qeyd edib ki, uşaqların gün ərzində elektron vasitələrdən bir saatdan çox istifadə etməsi yolverilməzdir: “Əgər uşaqlar gün ərzində bir saatdan çox elektron vasitələrdən istifadə edirsə, o uşaqların nəinki özlərini, onların valideynlərini də “məhvetmək” səviyyəsinə qədər gətirib çıxarır”.

Ana südünün verilməsinin ananın sosial vəziyyəti ilə əlaqələndirilməsindən də danışan Ə. Həsənov bunun qətiyyən doğru olmadığını bildirib: “Mən öz praktikamda da görmüşəm ki, bəzi analar südlərinin olmamasını stress, gərginlik faktorları ilə əlaqələndirirlər. Bunu nəinki mən, heç dünya praktikası da qəbul etmir. Elə çətin şəraitdə yaşayan analar var ki, onlar körpələrini ana südündən məhrum etmirlər. Süd ananın dərialtı toxumasında əmələ gəlir, bunun ananın qidalanması ilə heç bir bağlılığı yoxdur. Südverən anaların bir diyetası var: Kasıb tapdığını, varlı istədiyini yeyər. Bu zaman anaların diqqət edəcəyi əsas məsələ, kimyəvi tərkibli qida məhsullarının körpələrinə verilməməsidir”.