22 Oktyabr 2017 12:10
780
Oxucu məktubları
A- A+

Reabilitasiya mərkəzinin uzun müddət fəaliyyət göstərməsini istəyirik

 

Mənim övladım fiziki cəhətdən qüsurlu doğulub. Anadan olandan onun reabilitasiyası üçün bir çox yerlərə müraciət etmişəm. Hətta bir neçə dəfə Bakıya aparmışam. Doğrudur,  bu kurslardan sonra uşaqda müəyyən irəliləyiş əldə olunub.

Lakin bunun üçün hər dəfə işimdən qalmalı, xeyli maddi xərcə düşməli olmuşam.  Əlbəttə, valideyn olaraq hər əziyyətə qatlaşmağa hazıram. Bununla belə,  Bakıya gedib həftələrlə orada qalmağım ailənin digər üzvləri üçün çətinliklər yaradır. 

Bu yaxınlarda eşitdim ki, yaşadığım Samux rayonunda da uşaqlar üçün reabilitasiya mərkəzi fəaliyyətə başlayıb. Çox sevindim və dərhal övladımı ora apardım. Müayinədən keçirdikdən sonra onu reabilitasiya proqramına daxil etdilər. Artıq bir neçə həftədir ki, övladımla məşğələlərə başlayıblar.

Qeyd edim ki, mərkəzdə fiziki cəhətdən qüsurlu olan uşaqların reabilitasiyası üçün hər şərait yaradılıb. Hazırda burada 30-dan artıq uşaq reabilitasiya olunur. Bu işə təcrübəli psixoloqlar, terapevtlər və digər həkimlər cəlb edilib.

Lakin mərkəzdə bizə bildirdilər ki,  Əmək və Əhalinin Sosial Müdafiəsi Nazirliyi tərəfindən həyata keçirilən bu layihə cari ilin dekabr ayının 31-dək davam edəcək. Biz - fiziki qüsurlu, reabilitasiyaya ehtiyacı olan  uşaqların  valideynləri  xahiş edirik ki, bu xeyirxah layihə  uzunmüddətli olsun.

 

Aləmzər MƏHƏRRƏMOVA,

Samux rayon sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video