22 Oktyabr 2017 12:10
911
Oxucu məktubları
A- A+

İsmayıllılılar budoçuları ilə fəxr edirlər

 

İsmayıllıda bütün sahələrdə olduğu kimi, idmanın inkişaf etdirilməsi istiqamətində də ciddi addımlar atılır. İsmayıllı Olimpiya İdman Kompleksinin əsaslı təmirindən sonra Prezident  İlham Əliyevin  iştırakı ilə 2016-cı ildə açılışından  ötən dövr ərzində müxtəlif idman növlərinə  meyil xeyli yüksəlib.

İsmayıllılıların yarışlarda qazandıqları  hər nailiyyətin yerli orqanlar tərəfindən  təqdir  olunması, idmançıların mükafatlandırılması rayonda idmanın kütləviləşməsinə xidmət edir.

Rayonumuzda idmanın  Şərq döyüş növlərinə maraq böyükdür. Yapon döyüş növlərinə ümumilikdə “Budo” deyilir. Budonun 8 əsas istiqaməti  var. Azərbaycanda daha çox populyar olan  karate, cüdo, aykido budoya aiddir. Bu idman növləri ilə məşğul olanlar İsmayıllıda da çoxdur. Bayram Qəhrəmanov  budo növləri üzrə məşqçidir.  Özü də yarışlarda iştirak edir. Bu yaxınlarda Gürcüstanın paytaxtı Tbilisi şəhərində keçirilən açıq dünya çempionatında  o və yetirmələri yüksək nəticə göstəriblər.  Bayram Qəhrəmanov, Eşqin Əsgərov, Nuray Şabanlı, Ləman Əkbərova, Tahir Məmmədov və Qadir Səlimov uğurla çıxış edərək hər biri qızıl medal qazanıb. 

İdman sağlamlıqdır. İdman aktiv və faydalı həyat tərzidir. İdman həm də peşəkar fəaliyyət növüdür. İdmanda qazanılan uğurlar dövlət tərəfindən də yüksək qiymətləndirilir. Bu da idmanın kütləviləşməsinə, cəmiyyətin sağlam təməllər üzərində tərəqqisinə səbəb olur.

 

Rauf RƏCƏBOV,

İsmayıllı Rayon Gənclər və İdman İdarəsinin əməkdaşı

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video