Alternative content

12:15 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Azərbaycan-Litva münasibətlərinin daha da inkişafı üçün yaxşı perspektivlər var
Azərbaycan-Litva münasibətlərinin daha da inkişafı üçün yaxşı perspektivlər var
ANA SƏHİFƏ / PARLAMENT
05:10 19.10.2017

Oktyabrın 19-da Azərbaycan Respublikası Milli Məclisinin sədri Oqtay Əsədov ölkəmizdə səfərdə olan Litva Respublikası Seyminin sədr müavini xanım İrena Şiaulienenin rəhbərlik etdiyi nümayəndə heyəti ilə görüşüb.

AZƏRTAC xəbər verir ki, görüşdə Oqtay Əsədov Azərbaycanla Litva arasındakı dostluq əlaqələrindən danışaraq bildirib ki, ikitərəfli münasibətlər yüksələn xətlə inkişaf edir.

Parlamentin sədri Azərbaycanın demokratik inkişafı, həyata keçirilən hüquqi, iqtisadi islahatlar, qazanılan uğurlar barədə ətraflı məlumat verib. Oqtay Əsədov Azərbaycanın regionun ən sürətlə inkişaf edən ölkə olduğunu vurğulayıb.

Görüşdə parlamentlərarası əlaqələrdən də danışılıb. Qeyd olunub ki, Azərbaycan-Litva münasibətlərinin inkişafında parlamentlərarası əlaqələrin mühüm rolu var.

Xanım İrena Şiauliene Litva-Azərbaycan əməkdaşlığının inkişafından məmnunluğunu bildirib. O deyib ki, Azərbaycanın dinamik inkişafı, qısa vaxtda əldə etdiyi uğurlar bizdə böyük maraq doğurub. Ölkələrimiz arasında əlaqələr bundan sonra daha da inkişaf edəcək və genişlənəcək.

Görüşdə qarşılıqlı maraq doğuran digər məsələlər ətrafında geniş fikir mübadiləsi aparılıb.