Alternative content

02:20 22 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Müstəqilliyimizə qədəm qoyduğumuz gündən qazandığımız nailiyyətlər Ümummilli Liderin uzaqgörən siyasətinin nəticəsidir
Müstəqilliyimizə qədəm qoyduğumuz gündən qazandığımız nailiyyətlər Ümummilli Liderin uzaqgörən siyasətinin nəticəsidir
ANA SƏHİFƏ / Təhsil
05:10 18.10.2017

Bakı Ali Neft Məktəbində (BANM) 18 oktyabr - Azərbaycanın Dövlət Müstəqilliyi Gününə həsr olunan tədbir təşkil edilib.

BANM-dən AZƏRTAC-a bildirilib ki, tədbirdə bu ali məktəbin rektoru Elmar Qasımov Dövlət Müstəqilliyi Gününün yaranma tarixindən, xalqımızın müstəqillik uğrunda gərgin mübarizəsindən danışıb. Vurğulanıb ki, 1918-ci ildə əldə edilmiş qısamüddətli müstəqillikdən sonra xalqımız 1991-ci il oktyabrın 18-də Dövlət müstəqilliyi haqqında Konstitusiya Aktının qəbul olunması ilə yenidən öz müstəqilliyinə qovuşub. Müstəqilliyimizə qədəm qoyduğumuz gündən indiyədək ölkəmizin siyasi və beynəlxalq arenada əldə etdiyi uğurlardan danışan E.Qasımov bu nailiyyətlərin ümummilli lideri Heydər Əliyevin seçdiyi strateji inkişaf yolunun və uzaqgörən siyasətin nəticəsi olduğunu deyib.

BANM-in ingilis dili və humanitar fənlər mərkəzinin dosenti, tarix üzrə fəlsəfə doktoru Ələmdar Şahverdiyev Azərbaycanın Dövlət Müstəqilliyi Gününün tarixi məqamları və ölkəmizin keçdiyi inkişaf yolu haqqında məlumat verib.

Tələbələr mövzu ilə bağlı maraqlı təqdimatlarla çıxış ediblər.

Sonda rektor E.Qasımov müstəqilliyimizin 26-cı ildönümü münasibətilə Azərbaycan xalqını ürəkdən təbrik edib, müstəqilliyimizin daimi və möhkəm olmasını arzulayıb.