Alternative content

02:14 19 Sentyabr 2018
ONLINE XƏBƏR LENTİ
19.09.2018
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Biz mütləq geri qayıdacağıq
Biz mütləq geri qayıdacağıq
ANA SƏHİFƏ / Oxucu məktubları
12:10 15.10.2017

 

24 ildir ki, torpaqlarımızın bir hissəsi düşmən işğalındadır. Ötən bu illər bizim  qəlbimizdən yurd həsrətini silməmiş, onu daha da gücləndirmişdir. Son zamanların  tarixi hadisələri bir daha göstərdi ki, vətənimizin bir qarış torpağı belə, düşməndə qalmayacaq, müzəffər ordumuz üçrəngli bayrağımızı Şuşada, Laçında, Ağdamda və digər ərazilərimizdə, o cümlədən Qubadlıda ucaldacaq. 

Məcburi  köçkün həyatı yaşayan qubadlılılar daim yurd həsrətinin bitəcəyi o  günü həsrətlə gözləyirlər. Vətənpərvərlik, doğma elə bağlılıq, mübarizlik  rayon  ziyalıları tərəfindən gənclərimizə aşılanan əsas keyfiyyətlərdir.     

Rayonun idarə və müəssisə kollektivləri də fəaliyyətlərində bu məqama xüsusi diqqət edir, Qubadlının xatirələrdə daim yaşadılması üçün əllərindən gələni əsirgəmirlər. Respublika xalça muzeyində “Zəngəzurun qala qapısı Qubadlı” adlı sərgidə muzeyimizin əməkdaşları  gələnlərə rayon barədə məlumat veriblər. Bir neçə gün ərzində sərgiyə minlərlə insan tamaşa edib.

Təhsil ilinin ilk günündə  rayonun bütün məktəblərində Cocuq Mərcanlıya həsr edilmiş dərslər keçirilib. Müəllimlər həmin gün ölkəmizdə aparılan dövlət siyasətindən, ordu quruculuğundan  da geniş söhbət açıblar.

Qubadlı Rayon Tarix-diyarşünaslıq muzeyi Sumqayıtda - Qubadlı Rayon İcra Hakimiyyətinin inzibati binasında yerləşir. Bu səbəbdən ziyarətçilərimiz də çox olur. Rayonun təhsil müəssisələrinin rəhbərləri ilə qərara alınıb ki, hər ayın sonuncu  həftəsinin tarix dərsləri bizim muzeydə keçirilsin. 

Əslində, belə bir təcrübəmiz olub - muzeyin yaxınlığında yerləşən məktəbin şagirdləri əvvəlki təhsil  illərinin ilk dərslərinə muzeydə başlayırdılar. İndi isə bütün qubadlılı şagirdlər növbə ilə bura gələcək və ata-baba yurdu haqqında mütəmadi məlumat alacaq,  eksponatlarla tanış olacaqlar.  Beləcə, Qubadlısız böyüyən  Qubadlı övladları  cismən olmasa da, ruhən, mənən vətənə bağlanacaqlar. Bu, onlarda  doğma yurda məhəbbət aşılayır. Biz bir gün mütləq geri qayıdacayıq! Diyarımızı yenidən dirçəltmək, qurub-yaratmaq, mənfir düşmənin murdar izlərini silmək üçün vətən eşqi, torpağa ülvi bağlılıq ümdə şərtdir.

 

Vaqif BABAYEV,

Qubadlı Rayon Tarix Diyarşünaslıq muzeyinin direktoru