15 Oktyabr 2017 12:10
763
Oxucu məktubları
A- A+

Qayğıdan ruhlanırıq

 

Məktəbimizin şagird və pedaqoji kollektivi yeni dərs ilinə yüksək əhval-ruhiyyə ilə başlayıb. Məktəbimizin əsaslı təmir olunması hər kəsdə razılıq və minnətdarlıq hissi doğurur. Dövlətimizin təhsilin inkişafına göstərdiyi qayğıdan biz də yetərincə bəhrələnirik.

Əsaslı təmirdən sonra yeni görkəm almış sinif otaqları, idman və akt zalları, kimya, biologiya, fizika laboratoriyaları, komputer otağı, bufet şagird və müəllimlərin istifadəsinə verilib. Qarşıda soyuq qışın gəlməsi də artıq bizi narahat etmir: məktəbdə yeni istilik sistemi quraşdırılıb. Amma uzun illərdən bəri qış aylarında ciddi problemlərlə üzləşmiş, soyuq siniflərdə dərs keçmək məcburiyyətində qalmışdıq.

Qayğı bizə ruh verir. Bütün səy və bacarığımızı sərf edərək çalışırıq ki, yüksək səviyyəyəli, elmli, savadlı, vətənini, xalqını sevən, dövlətinə sədaqətli yeni nəsil yetişdirək. Çəkdiyimiz zəhmət hədər getmir. Bu il məktəbimizin 30 məzunundan 8-i yüksək balla müxtəlif ali məktəblərə, 7-si isə orta ixtisas məktəblərinə qəbul olunub. Müəllimlərimiz daim öz üzərlərində çalışır, bilik və bacarıqlarını artırırlar. Təsadüfi deyil ki, bu il keçirilən müəllimlərin diaqnostik qiymətləndirilməsində kollektivimizin üzvləri yaxşı nəticələr göstərib. Riyaziyyat müəllimi Vidadi Əmrahov 60 mümkün baldan 54 bal, fiziki tərbiyə müəllimi Nürəddin Əliyev 51 bal, tarix müəllimləri Günay Əzimzadə və Həqiqət Rüstəmova 50 bal, biologiya müəllimi İradə Mustafayeva 49 bal toplayıblar. Bilik və idman yarışlarında məktəbimizin şagirdləri həmişə yüksək yerlər tutub.

 

Elşad MƏMMƏDOV,

Bərdə şəhəri, S.Behbudov adına 6 saylı tam orta məktəbin direktoru 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video