13 Oktyabr 2017 09:10
434
PARLAMENT
A- A+

Bakıda keçirilən beynəlxalq konfransın iştirakçılarının bir qrupu ilə Azərbaycan parlamentində görüş olub

Bakıda keçirilən “Xalqların birliyi faşizm üzərində qələbədə və sülhün qorunmasında əsas amil kimi” mövzusunda beynəlxalq konfransın iştirakçılarının bir qrupu ilə Azərbaycan Respublikası Milli Məclisində görüş olub.

AZƏRTAC xəbər verir ki, Milli Məclis sədrinin birinci müavini Ziyafət Əsgərov görüşdə bildirib ki, Azərbaycan xalqı İkinci Dünya müharibəsində faşizm üzərində qələbənin qazanılmasında qəhrəmanlıq göstərənləri daim böyük ehtiramla yad edir. Ölkəmizin və xalqımızın qələbənin əldə olunmasında misilsiz xidmətlərindən danışan Ziyafət Əsgərov bildirib ki, Azərbaycan dövləti bu tarixi yazan insanlara hər zaman diqqət və qayğı ilə yanaşır. Onlar maddi və mənəvi baxımdan hər cür təmin olunublar. Veteranlara qayğı dövlət siyasətinin prioritet istiqamətlərindəndir.

“Azərbaycan İkinci Dünya müharibəsində faşizm üzərində qələbənin əldə edilməsinə mühüm töhfələr verib”, - deyən Rusiyanın “Qələbənin Varisləri” Beynəlxalq İttifaqının vitse-prezidenti Alfred Qaponenko İkinci Dünya müharibəsində xalqımızın ön və arxa cəbhədəki şücaətindən danışıb. O bildirib ki, Azərbaycan xalqı müharibədə bütün potensialı ilə iştirak edib. Bakı nefti olmasaydı bu qələbənin qazanılması da mümkün olmayacaqdı.

Görüşdə Ermənistan-Azərbaycan, Dağlıq Qarabağ münaqişəsindən, nasist ideologiyasının Ermənistanda dövlət səviyyəsində yayılmasından geniş bəhs edilib, Azərbaycanın ərazi bütövlüyünün təmin olunmasının vacibliyi vurğulanıb.

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video