Alternative content

01:55 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Bakı Dövlət Universiteti ilə Berlin Humboldt Universiteti arasında müqavilə imzalanıb
Bakı Dövlət Universiteti ilə Berlin Humboldt Universiteti arasında müqavilə imzalanıb
ANA SƏHİFƏ / Təhsil
09:10 10.10.2017

Bakı Dövlət Universitetində (BDU) Almaniyanın Berlin Humboldt Universitetinin Azərbaycan tarixi kafedrasının müdiri, professor Yeva-Mariya Auxun rəhbərlik etdiyi nümayəndə heyəti ilə görüş olub. Görüşdə BDU ilə Berlin Humboldt Universiteti arasında “Erasmus+Kao1” tələbə-müəllim mübadilə proqramı çərçivəsində müqavilə imzalanıb.

BDU-dan AZƏRTAC-a bildirilib ki, rektor, akademik Abel Məhərrəmov rəhbərlik etdiyi ali məktəbin tarixi və bu günü, beynəlxalq əlaqələri, o cümlədən Almaniyanın bir sıra universitetləri ilə elm-təhsil müstəvisində həyata keçirilən uğurlu əməkdaşlıqdan danışıb. Berlin Humboldt Universitetinin nümayəndələri ilə görüşləri xatırladan rektor doktorant mübadiləsi istiqamətində yeni layihəyə başlanılmasından məmnunluğunu ifadə edib.

Professor Yeva-Mariya Aux təmsil etdiyi universitetin uğurlarından, o cümlədən kafedranın profilindən danışıb. Əmək fəaliyyəti barədə məlumat verən qonaq BDU-nun şərqşünaslıq fakültəsində ərəb dili, Leyptsiq Universitetində isə rus dili tərcüməçiliyi üzrə təhsil aldığını, 1985-ci ildə Qrayfsvalt Universitetində müasir tarix üzrə doktorantura dərəcəsinə yiyələndiyini qeyd edib. BDU-nun beynəlxalq əlaqələr departamenti və tarix fakültəsinin müəllimləri ilə səmərəli görüşlər keçirdiklərini söyləyən almaniyalı professor əlaqələrin bundan sonrakı inkişafında da maraqlı olduğunu vurğulayıb.