Alternative content

23:19 20 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Üçlü sinir nevralgiyası zamanı tətbiq edilən xalq təbabəti üsulları
Üçlü sinir nevralgiyası zamanı tətbiq edilən xalq təbabəti üsulları
ANA SƏHİFƏ / Səhiyyə
01:10 07.10.2017

Üçlü sinirin nevralgiyası kəskin, sızıltılı və küt ağrılar şəklində baş verir və ciddi narahatlıq yaradır. Xəstəlik zamanı çox vaxt ağrılar şaxələnir: birinci şaxə alın payını, ikinci şaxə yanaq, burun və üst çənəni, üçüncüsü isə alt çənəni əhatə edir. Ənsə sinirinin nevralgiyası zamanı ağrılar boyun və ənsə nahiyəsinə yayılır.

AZƏRTAC xəbər verir ki, xəstəliyin müalicəsi zamanı ultra yüksək tezlikli cərəyanlar terapiya, quru isti, ağrıkəsici dərman və vitaminlərdən istifadə olunur. Lakin ilkin mərhələdə bəzi xalq təbabəti üsullarından istifadə edilməsi təcrübəsi də var.

Yatmazdan əvvəl hər axşam ayaqlar isti suya qoyulur.

Yaşıl ətirşah yarpaqları dərilərək ağrı olan nahiyəyə kətan parça ilə bağlanır, üstündən isti şərflə sarınır. Prosedur gündə iki dəfə aparılır.

Eyni miqdarda soğan, kartof və duzlu xiyar doğranır, üzərinə 1 litr üzüm sirkəsi əlavə olunur, vaxtaşırı çalxalanaraq 2 saat saxlanılır. Alınan qarışıqla səhər və axşam ağrılı nahiyələrə 1 saat islatma qoyulur.

Qıtıqotu sıyığı ağrı nahiyəsinə qoyulur.

Səhər və axşam 1 çay qaşığı çiçək tozcuğu ilə B vitamini həbi qarışdırılaraq içilir.

1çay qaşığı sarımsaq yağı 1 stəkan araqla qarışdırılır və alınan məhlulla gündə alın və yanaqlar gündə iki dəfə silinir.

4 çay qaşığı gülxətmi kökləri qaynanmış soyuq su ilə qarışdırılır, tənzif isladılaraq yatmazdan əvvəl ağrılı nahiyələrə qoyulur. Bir-iki saatdan sonra islatma götürülür və üzü bürüyərək yatırlar.