07 Oktyabr 2017 12:10
481
Səhiyyə
A- A+

Ankarada azərbaycanlı həkimlərin V Türkiyə Forumu işə başlayıb

Ankarada azərbaycanlı həkimlərin və tibb təhsili alan tələbələrin V Türkiyə Forumu işə başlayıb.

AZƏRTAC xəbər verir ki, Azərbaycanının Türkiyədəki səfirliyinin təhsil müşavirliyi və Azərbaycanlı Həkimlər Dərnəyinin birgə təşkilatçılığı ilə keçirilən Forumda rəsmi şəxslər, diplomatlar, QHT və KİV təmsilçiləri, qardaş ölkədə işləyən, yaşayan və təhsil alan çox sayda azərbaycanlı iştirak edir.

Əvvəlcə Azərbaycan xalqının ümummilli lideri Heydər Əliyevin və Türkiyə dövlətinin qurucusu Mustafa Kamal Atatürkün əziz xatirələri bir dəqiqəlik sükutla yad olunub.

Sonra Azərbaycan və Türkiyənin dövlət himnləri səsləndirilib.

Daha sonra Türkiyənin rəsmi dairələrindən Foruma göndərilən təbrik məktubları oxunub.

“Nümunəvi həkim olmağa doğru” şüarı ilə təşkil olunan Forumun rəsmi açılışında Naxçıvan Muxtar Respublikasının səhiyyə naziri Niyazi Novruzov, Azərbaycanının Türkiyədəki səfirliyinin təhsil müşaviri Nəcibə Nəsibova, Azərbaycanlı Həkimlər Dərnəyinin sədri Şahin Hanalıoğlu, Ankara Universitetinin tibb fakültəsinin dekanı Gülfen Selik və başqalarının çıxışları dinlənilib.

Çıxışlarda ümummilli lider Heydər Əliyevin möhkəm təməl üzərində qurduğu inkişaf strategiyasının tarixi nəticələrindən, Prezident İlham Əliyev tərəfindən uğurla davam etdirilən bu siyasətin ölkəmizdə yaratdığı hərtərəfli yüksəlişdən, eləcə də təhsil və səhiyyə sahəsində əldə olunan böyük nailiyyətlərdən, Azərbaycan-Türkiyə qardaşlıq münasibətlərinin dinamikasının əhəmiyyətindən danışıblar. Diqqətə çatdırılıb ki, Türkiyənin ali məktəblərində təhsil almış azərbaycanlı həkimlər iki qardaş ölkənin səhiyyəsinin inkişafına böyük töhfələr verirlər.

Qeyd olunub ki, Azərbaycan dövlət müstəqilliyini bərpa edəndən sonra Türkiyənin ali məktəbləri azərbaycanlı tələbələrin tibb təhsili alması üçün böyük köməklik göstərmişdir. Həmin məzunlar hazırda Azərbaycan səhiyyəsinin aparıcı qüvvəsidir.

Forum oktyabrın 8-də işini davam etdirəcək.

 

AZƏRTAC

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video