05 Oktyabr 2017 09:10
260
Təhsil
A- A+

Azərbaycanda müəllimlərin sosial vəziyyətinin yaxşılaşdırılması istiqamətində ardıcıl işlər görülür

Oktyabrın 5-də Şuşa Rayon İcra Hakimiyyəti Beynəlxalq Müəllimlər Günü münasibətilə tədbir keçirib.

Rayon icra hakimiyyətindən AZƏRTAC-a bildirilib ki, tədbirdə Milli Məclisin deputatları Elman Məmmədov, Flora Qasımova, Şuşa Rayon İcra Hakimiyyətinin başçısı, “Azərbaycan Respublikası Dağlıq Qarabağ Bölgəsinin Azərbaycanlı İcması” idarə heyətinin sədri-icmanın rəhbəri Bayram Səfərov, rayonun təhsil işçiləri, ziyalılar iştirak ediblər.

Əlamətdar gün münasibətilə müəllimləri təbrik edən B.Səfərov vurğulayıb ki, Beynəlxalq Müəllimlər Günü YUNESKO-nun qərarı ilə 1966-cı ildən qeyd olunur. Müəllim adı hər zaman ucalıq, ziyalılıq rəmzi kimi böyük hörmətlə, yüksək ehtiramla çəkilir. Ümummilli lider Heydər Əliyev ölkəmizə rəhbərlik etdiyi bütün dövrlərdə həmişə müəllimlərə hörmət və ehtiramla yanaşaraq deyirdi: “Mən yer üzündə müəllimdən yüksək ad tanımıram. Hər birimizdə müəllimin hərarətli qəlbinin bir zərrəciyi vardır. Məhz müəllim doğma yurdumuzu sevməyi, hamının rifahı naminə vicdanla işləməyi müdrikliklə və səbirlə bizə öyrətmiş və öyrədir”. Ulu Öndərin təhsilə, müəllimə qayğıkeş münasibəti dövlətimizin siyasətində önəmli yer tutur. Prezident İlham Əliyev tərəfindən bu təhsil siyasəti uğurla davam etdirilir. Belə ki, dövlətimizin başçısının rəhbərliyi ilə ölkəmizdə ixtisaslı müəllim kadrların hazırlanması, müəllimlərin sosial vəziyyətinin yaxşılaşdırılması istiqamətində ardıcıl tədbirlər görülür. Müəllimlərin əməyini yüksək dəyərləndirən Prezident İlham Əliyev deyib: “Azərbaycanın əldə etdiyi bütün nailiyyətlərin əsasında məhz müəllimin gərgin zəhməti və gündəlik fəaliyyəti durur”. Dövlətimizin başçısının bu sözləri bir daha ölkəmizdə müəllimlərin nüfuzunun necə yüksək olduğunu göstərir.

B.Səfərov elmin, təhsilin, mədəniyyətin və incəsənətin inkişafında əvəzsiz xidmətləri olan Azərbaycanın Birinci vitse-prezidenti Mehriban xanım Əliyevanın fəaliyyətini də xüsusi vurğulayıb.

Sonra Beynəlxalq Müəllimlər Günü ilə bağlı videoçarx nümayiş etdirilib.

Milli Məclisin deputatları Elman Məmmədov, Flora Qasımova, rayon icra hakimiyyəti başçısının müavini Vüsalə Fətəliyeva təhsil işçilərini təbrik edib, Azərbaycan dövlətinin apardığı uğurlu siyasətdən, həyata keçirilən təhsil islahatlarından və təhsil işçilərinin maddi rifah halının yaxşılaşdırılması sahəsində görülən işlərdən danışıblar.

Şuşa rayon təhsil şöbəsinin müdiri Təvəkkül Əliyev bildirib ki, Azərbaycanda təhsilin səviyyəsi ildən-ilə yüksəlir, müasir tələblərə cavab verən təhsil müəssisələri inşa edilir, bu sahədə çalışan insanların əməkhaqqı artırılır.

Şuşa Humanitar Kollecinin direktoru Rasim Mehdiyev, Şuşa Şəhər Uşaq İncəsənət Məktəbinin direktoru Mirkamil Ağamirov müəllimlərə göstərilən diqqət və qayğıya görə Prezident İlham Əliyevə və Azərbaycanın Birinci vitse-prezidenti Mehriban xanım Əliyevaya dərin minnətdarlıqlarını bildiriblər.

Təhsilin inkişafında uğurlu fəaliyyətinə görə bir qrup müəllim rayon icra hakimiyyəti başçısının fəxri fərmanı ilə təltif edilib, onlara mükafatlar təqdim olunub. Bildirilib ki, Şuşa şəhər 3 nömrəli məktəbin direktoru Elmira Əliyeva dövlətimizin başçısının müvafiq Sərəncamı ilə “Tərəqqi” medalına layiq görülüb.

Tədbirin bədii hissəsində Şuşa Dövlət Musiqili Dram Teatrının aktyorlarının və Şuşa Humanitar Kolleci tələbələrinin ifasında musiqi nömrələri, 1 nömrəli məktəbin şagirdləri – Zəhra Qurbanlının, İsmayıl Quliyevin, Aydan Əliyevanın söylədikləri şeirlər maraqla qarşılanıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video