05 Oktyabr 2017 01:10
291
Təhsil
A- A+

Məsuliyyət varsa, uğur da olacaq

 

Hələ uşaqlıqdan onda yazıb-oxumağa yaranan həvəs zamanla öz bəhrəsini verib. Orta məktəbə qədəm qoyduğu ilk günlərdən istedadlı olması, dərslərini yaxşı qavrama qabiliyyəti və çalışqanlığı ilə müəllimlərinin sevimlisinə çevrilib. Müəllimlərinin onunla bağlı valideynlərinə dedikləri xoş sözlər, özünə qarşı yaxşı rəftar heç zaman onda arxayınlıq yaratmayıb. Balaca Kəmalə zərif çiyinlərini ağır yük altına verməkdən çəkinməyib. Canında, qanında olan məsuliyyət hissi onu arzularının dolanbac yollarına sarban edib.

Kəmalə Əhmədova 1990-cı ildə Zaqatala şəhəri 1 saylı tam orta məktəbi gümüş medalla bitirib. Həmin il medalçılar ali məktəblərə imtahan vermədən qəbul ediliblər. Kəmalə xanım da o cümlədən. Bakı Dövlət Universitetinin coğrafiya fakültəsinə qəbul olunub və bu möhtəşəm təhsil məbədini uğurla başa vurub. Ali məktəbi bitirdikdən sonra ilk müəllimlik fəaliyyətinə Zaqatala şəhəri internat məktəbində başlayıb. Çökək tam orta məktəbdə müəllimlik edib.

2008-ci il sentyabrın 19-da Prezident İlham Əliyevin iştirakı ilə Zaqatala şəhərində Akademik Zərifə Əliyeva adına texniki fənlər təmayüllü lisey açılandan sonra isə Kəmalə Əhmədova müəllimlik fəaliyyətini orada davam etdirməyə başlayıb. 2010-cu ildə direktor müavini təyin edilib. 2013-cü ilin dekabr ayından direktor əvəzi kimi fəaliyyət göstərib. 2015-ci ildə isə Təhsil Nazirliyinin xətti ilə keçirilən direktorların müsabiqəsindən uğurla keçərək çalışdığı təhsil ocağına direktor təyin olunub.

Ümumilikdə isə həm direktor Kəmalə Əhmədovanın, həm də liseyin yeni fəaliyyətinə baxmayaraq ötən illər ərzində burada böyük uğurlar qazanılıb. Hazırda liseydə 629 şagird təhsil alır. 52 pedaqoji və 17 texniki işçi var.

Kollektivin birgə səyi, hər kəsin öz vəzifəsinə məsuliyyətlə yanaşması sonda səmərəsini verib. Beləliklə də lisey 2014-cü ildə “İlin məktəbi” və 2015-ci ildə “İlin ən yaxşı müəllimi” müsabiqələrinin qalibi olub. Liseyin məzunlarının 95-100 faizi ali məktəblərə qəbul olunurlar. Buraxılış imtahanlarından isə keçməyən qalmır. Cari il xüsusilə fərqlənir. Səbəb isə doqquzuncuların bu il fərqli qaydada imtahan vermələridir. Lisey həmin prosesi uğurla keçməsinə görə rayonda birinci, respublika üzrə isə öncül yerlərdə qərarlaşıb. Cari il məktəbi bitirən abituriyentlərin ali təhsil müəssisələrinə qəbul olanların sayı isə 95 faiz olub. 1 şagird müsabiqədən kənarda qalıb. İl ərzində şagirdlər və müəllimlər bir sıra respublika müsabiqələrinin qalibi olublar.

Kəmalə müəllimin əməyi yüksək dəyərləndirilib. 2016-cı ildə ona Təhsil Nazirliyi tərəfidən “Qabaqcıl təhsil işçisi” döş nişanı təqdim olunub. Rayon icra hakimiyyəti tərəfindən də uğurlu fəaliyyətinə görə fəxri fərmanla mükafatlandırılıb. İki gün öncə  Kəmalə Əhmədova Azərbaycan Respublikasının Prezidenti İlham Əliyevin sərəncamı ilə “Tərəqqi” medalı ilə təltif olunub.

 

Əli SƏLİMOV,

“Azərbaycan”

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video