Alternative content

21:40 19 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Yerun Uilyams: Avropa İttifaqı hər zaman Azərbaycanda peşə təhsilinin inkişafına maraq göstərir
Yerun Uilyams: Avropa İttifaqı hər zaman Azərbaycanda peşə təhsilinin inkişafına maraq göstərir
ANA SƏHİFƏ / Təhsil
03:10 03.10.2017

Avropa İttifaqı (Aİ) hər zaman Azərbaycanda peşə təhsilinin inkişafına maraq göstərir.

AZƏRTAC xəbər verir ki, bunu Aİ-nin Azərbaycandakı nümayəndəliyinin əməkdaşlığ şöbəsinin rəhbəri Yerun Uilyams oktyabrın 3-də “Peşə təhsili və təlimində dövlət-özəl sektor əməkdaşlığı və Avropa İttifaqının Azərbaycanda təhsilə dəstək proqramı - peşə təhsili mərkəzlərinin müasirləşdirilməsi üçün fəaliyyət qrantları” mövzusunda keçirilən seminarda deyib.

Aİ-nin əsasən işəgötürənlərlə peşə təhsili müəssisələri arasındakı əməkdaşlığa xüsusi önəm verdiyini bildirən Y.Uilyams deyib: “Ötən bir ildə Aİ Azərbaycanda fəaliyyət göstərən 300-ə yaxın özəl şirkət arasında sorğu keçirib. Sorğu nəticəsində məlum olub ki, peşə təhsili müəssisələrinin verdiyi bilik və bacarıqlar özəl şirkətlərdə olan işlərlə həmahəng deyil. Bir çox hallarda özəl sektor müəyyən sahələr üzrə müvafiq işçini tapmaqda çətinlik çəkir. Buna görə də düşünürük ki, ölkənizdə peşə təhsili sahəsində islahatların aparılması üçün davamlı dəstək lazımdır”.

Y.Uilyams diqqətə çatdırıb ki, Avropada vahid peşə təhsili modeli yoxdur. Bu sahənin inkişafı üçün bütün ölkələrlə yanaşı, Azərbaycanın da maraqlarına uyğun model seçilməlidir. Peşə təhsili sahəsinin inkişafı özəl və dövlət sektorları ilə peşə təhsil müəssisələri arasındakı əməkdaşlığa əsaslanmalıdır.