26 Sentyabr 2017 03:09
402
PARLAMENT
A- A+

Kristian Vigenin: Dağlıq Qarabağ münaqişəsi ilə bağlı mövcud status-kvonun davam etməsinə razı ola bilmərik

Sentyabrın 26-da Milli Məclisin Sədr müavini, ATƏT Parlament Assambleyasında (PA) Azərbaycan nümayəndə heyətinin rəhbəri Bahar Muradova ölkəmizdə səfərdə olan ATƏT PA-nın Cənubi Qafqaz üzrə xüsusi nümayəndəsi Kristian Vigenin ilə görüşdü. Görüşdə ATƏT-lə əməkdaşlığa və Ermənistan-Azərbaycan, Dağlıq Qarabağ münaqişəsinə dair fikir mübadiləsi aparıldı.

B.Muradova bildirdi ki, Azərbaycan ATƏT, eləcə də onun Parlament Assambleyası ilə əməkdaşlığa böyük önəm verir və bu təşkilatın fəaliyyətində yaxından iştirak etməyə çalışır. Həmçinin, Azərbaycan ATƏT-lə əməkdaşlıq çərçivəsində bir çox problemlərin həlli baxımından səmərəli işlər həyata keçirib.

Ermənistan-Azərbaycan, Dağlıq Qarabağ münaqişəsinə diqqət çəkən B.Muradova problemin həlli üçün müəyyən həll yollarını araşdırdığına görə Kristian Vigeninə təşəkkürünü bildirdi. Bu baxımdan, onun Azərbaycana olan səfərinin böyük əhəmiyyət kəsb etdiyini vurğuladı. Çünki bu münaqişə bütün region üçün təhlükəlidir. Buna görə də region dövlətlərinin hər biri məsələnin tezliklə həll edilməsinə dəstək göstərməlidirlər.

ATƏT PA-nın Cənubi Qafqaz üzrə xüsusi nümayəndəsi Kristian Vigenin isə öz növbəsində Azərbaycan nümayəndə heyətinin ATƏT PA-dakı aktiv fəaliyyətini təqdirəlayiq hal kimi qiymətləndirdi. O, Ermənistan-Azərbaycan, Dağlıq Qarabağ münaqişəsi ilə bağlı müzakirələrin aparılmasının vacibliyini qeyd etdi. Onun sözlərinə görə, Cənubi Qafqazda yaşanan münaqişələr, xüsusən də Dağlıq Qarabağ məsələsi ATƏT-in gündəmindədir. Münaqişənin yeganə həll yolu sülhdür. ATƏT PA bu istiqamətdə atılan hər bir addımı dəstəkləməyə hazırdır. Əlbəttə, münaqişənin tezliklə həll edilməsi üçün hər iki dövlətin üzərinə böyük məsuliyyət düşür. Bununla belə, çalışmaq lazımdır ki, hər bir dövlət, eləcə də aidiyyəti olan beynəlxalq təşkilatlar bu işə öz töhfələrini versinlər.

Qonaq əlavə etdi ki, münaqişənin həlli üçün hələ də ciddi bir nəticə əldə edilməyib. Lakin bu belə davam etməməlidir, bir çıxış yolu tapılmalıdır. Bildirildi ki, bəzən Ermənistan-Azərbaycan, Dağlıq Qarabağ münaqişəsini dondurulmuş münaqişə adlandırırlar. Lakin hazırda təmas xəttində hər iki tərəfdən mülki və hərbi şəxslərin öldürülməsi faktları qeydə alınır. Bunun qarşısını almaq üçün bütün qüvvələr səfərbər olunmalıdır.

Görüş qarşılıqlı fikir mübadiləsi və sual-cavab şəraitində davam etdirildi.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video