Alternative content

14:27 24 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Sankt-Peterburq Qanunvericilik Məclisinin nümayəndə heyəti Milli Məclisdə olub
Sankt-Peterburq Qanunvericilik Məclisinin nümayəndə heyəti Milli Məclisdə olub
ANA SƏHİFƏ / PARLAMENT
05:09 22.09.2017

Azərbaycanda səfərdə olan Sankt-Peterburq Qanunvericilik Məclisinin sədri Vyaçeslav Makarovun başçılıq etdiyi nümayəndə heyəti sentyabrın 22-də Milli Məclisdə olub.

AZƏRTAC xəbər verir ki, Azərbaycan-Rusiya parlamentlərarası əlaqələr üzrə işçi qrupunun üzvləri ilə keçirilən görüşdə ölkələrimiz arasındakı əlaqələrdən, qanunverici orqanların əməkdaşlığından məmnunluq ifadə olunub.

Sankt-Peterburq Qanunvericilik Məclisinin nümayəndə heyətinin ölkəmizə səfərinin əhəmiyyətindən danışan Milli Məclisin Azərbaycan-Rusiya parlamentlərarası əlaqələr üzrə işçi qrupunun rəhbəri Əli Hüseynov bildirib ki, bu səfər ikitərəfli əlaqələrin daha da inkişafını təmin etməyə və qanunverici orqanlar arasında münasibətləri dərinləşdirməyə xidmət edir.

Sankt-Peterburq Qanunvericilik Məclisinin sədri Vyaçeslav Makarov bildirib ki, Rusiya ilə Azərbaycan arasında ənənəvi dostluq əlaqələrinin tarixi kökləri var. O qeyd edib ki, Azərbaycan tərəfi bu səmimi dostluğu, əməkdaşlıq əlaqələrini geosiyasi sistemlərə, iqtisadi sanksiyalara baxmayaraq qoruyub saxlayır.

“Biz Prezident İlham Əliyevə və digər hökumət nümayəndələrinə beynalxalq arenada Rusiyanın mürəkkəb, həmçinin vacib mövqeyinə dəstək verdiklərinə görə minnətdarıq. Rusiyada olan Azərbaycan diasporu ölkənin, Sankt-Peterburqun iqtisadiyyatının və ikitərəfli əlaqələrin inkişafı üçün çoxlu işlər görüb”, - deyə Vyaçeslav Makarov əlavə edib.