Alternative content

08:08 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Dünya Bankının təhsil missiyasının üzvləri DİM-in fəaliyyəti barədə məlumatlandırılıblar
Dünya Bankının təhsil missiyasının üzvləri DİM-in fəaliyyəti barədə məlumatlandırılıblar
ANA SƏHİFƏ / Təhsil
08:09 20.09.2017

Sentyabrın 20-də Dövlət İmtahan Mərkəzinin (DİM) Direktorlar Şurasının sədri Məleykə Abbaszadə Azərbaycana səfərdə olan Dünya Bankının təhsil missiyasının üzvləri ilə görüşüb.

DİM-dən AZƏRTAC-a bildirilib ki, görüşdə təhsil missiyasının üzvləri – Dünya Bankının Azərbaycan üzrə nümayəndəliyinin baş iqtisadçıları İqor Xeyfets və Katia Herrera Sosa, həmçinin DİM-in Direktorlar Şurası sədrinin müavini Namiq Babayev, şöbə müdirləri Natiq Əliyev, Oleq Şelaqinov, Çingiz Xəlilov və Fuad Mayılov da iştirak ediblər.

Görüşdə Azərbaycanın ali təhsil sektorunun ölkənin iqtisadi inkişafına töhfəsinin gücləndirilməsi imkanları müzakirə olunub. Təhsil missiyasının üzvləri Dünya Bankının hamı üçün təhsil imkanlarının yaradılması və ölkənin təhsil sisteminin gücləndirilməsinə yardım etmək məqsədi daşıyan “Daha Yaxşı Təhsil Nəticələri üçün Sistem Yanaşması” (SABER) təşəbbüsü çərçivəsində ali təhsil və biznes inkubatorları üzrə məsləhət proqramını və uşaqların erkən inkişafı siyasətinin SABER təhlili üzrə metodologiyasını təqdim ediblər.

Məleykə Abbaszadə isə DİM-in yaradılması, fəaliyyəti, biliyin qiymətləndirilməsi sahəsində bu qurumun ölkədə rolu barədə görüş iştirakçılarına ətraflı məlumat verib.