14 Sentyabr 2017 04:09
237
Təhsil
A- A+

UNEC-in Prezident təqaüdçüləri: Seçimimizdən məmnunuq

Sentyabrın 14-də Azərbaycan Dövlət İqtisad Universitetində (UNEC) “Oriyentasiya günü” təşkil olunub.

UNEC-dən AZƏRTAC-a bildiriblər ki, artıq ənənə halı alan və dünyanın aparıcı universitetlərində də xüsusi qeyd olunan “Oriyentasiya günü”nün məqsədi birinci kurs tələbələrini ali təhsil ocağının həyatı ilə tanış etmək, ilk günün təəssüratlarını zənginləşdirmək, yuxarı kurs tələbələri ilə birlikdə pozitiv anlar yaşamaqdır.

Universitetin bütün tədris binalarında UNEC-in tarixi, tədris prosesi, beynəlxalq əlaqələri, ikili diplom, mübadilə və təqaüd proqramları barədə videoçarx nümayiş olunub. Universitetin könüllülərindən ibarət məlumat və bələdçi xidməti tələbə və valideynləri maraqlandıran suallara cavab verməklə yanaşı, onlar üçün ali məktəbin ərazisində infoturlar da təşkil edib. İlk dəfə auditoriyada əyləşmək sevincini yaşayan tələbələr “Elektron universitet” modelini maraqla qarşılayıblar. Startap layihələrini İnnovativ Biznes İnkubatorda reallaşdıra biləcəklərini öyrənən gənclər UNEC-in tələbələrinə yaratdığı imkanlardan məmnun qaldıqlarını ifadə ediblər.

Qəbul imtahanlarında 700 bal toplayaraq UNEC-ə qəbul olan Prezident təqaüdçüləri Cavad Əliyev və Arzu Məmmədzadə ixtisas seçimindən əvvəl universitetdə keçirilən dərslərdə iştirak etdiklərini bildiriblər. Diqqətə çatdırıblar ki, onlar universitetlə tanışlıqdan sonra UNEC ailəsinin üzvü olmağa qərar veriblər və seçimlərindən məmnundurlar.

“Oriyentasiya günü”ndə UNEC-in yaradıcılıq mərkəzinin üzvləri musiqi nömrələri və rəqslərlə çıxış ediblər. Eyni zamanda, tələbələrin əl işlərindən ibarət rəsm sərgisi də nümayiş olunub. Vokal, rəqs, bədii qiraət və rəssamlıq bacarığı olan birinci kurs tələbələrinə mərkəzinə üzvlük qaydaları izah edilib. Həmçinin karyera guşəsində tələbələrə seçdikləri ixtisasların əmək bazarındakı əhəmiyyəti barədə ətraflı məlumat verilib, peşəkar mütəxəssis kimi formalaşmaq istiqamətində tövsiyələr olunub. UNEC-in beynəlxalq əməkdaşlıq departamentinin nümayəndələri tələbələrə universitetin beynəlxalq əlaqələr sahəsindəki uğurlarından söz açıb, mövcud proqram və layihələrdən bəhs ediblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video