Alternative content

19:40 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Neftçalada 4 modul tipli məktəb istifadəyə hazırdır
Neftçalada 4 modul tipli məktəb istifadəyə hazırdır
ANA SƏHİFƏ / Təhsil
12:09 09.09.2017

 

Neftçala rayonunda yeni dərs ilinə hazırlıqla əlaqədar ümumtəhsil məktəblərinin hamısında cari təmir işləri aparılmışdır. Xıllı qəsəbə 1 saylı tam orta məktəbin dam örtüyü dəyişdirilmiş, Tatarməhlə, Yenikənd kəndlərində hər biri 56 şagird yerlik modul tipli məktəblərin tikintisi başa çatdırılmışdır. Hazırda Mikayıllı və Sübh kəndlərində daha 2 modul tipli məktəbdə tamamlama işləri aparılır. Bu məktəblərin hər biri 7 sinif və 1 müəllimlər otağından ibarətdir.

Bankə və Xıllı qəsəbələrinin 1 saylı, habelə Həsənabad məktəblərində sanitar qovşaqları təmir olunmuş, Neftçala 4 saylı tam orta məktəbi üçün su hovuzu tikilmiş, Mirzəqurbanlı kənd ümumi orta məktəbi üçün artezian quyusu qazılmışdır.

2016-2017-ci tədris ilində rayonun 28 tam orta məktəbini 640 nəfər şagird bitirmiş, onlardan 231 nəfəri ali məktəblərə qəbul olunmuşdur. Abituriyentlərdən 16 nəfəri 600-dən çox, 17 nəfəri isə 500-600 arasında bal toplamışdır. Keçən dərs ilində 3 nəfər şagird respublika fənn olimpiadalarında fərqlənmişdir. Onlardan 1-i gümüş, 2-si bürünc medala layiq görülmüşdür.

Rayonda 50 ümumtəhsil məktəbi fəaliyyət göstərir ki, onlardan 28-i tam, 16-sı ümumi orta, 6-sı ibtidai məktəbdir. Yeni dərs ilində həmin məktəblərdə 9 min 499 nəfər şagird təhsil alacaq, onların təlim-tərbiyəsi ilə 1394 nəfər müəllim məşğul olacaqdır. 1087 nəfər uşaq birinci sinfə gedəcək, bundan başqa, 37 məktəbəhazırlıq qrupunda (onlardan 1-i rus bölməsindədir) 692 uşaq məktəbə ilk dəfə qədəm qoyacaq.

 

 Seyran CAVADOV,

 “Azərbaycan”